રાજપીપળા ખાતે રૂપિયા ૩૨ કરોડના ખર્ચે નવનિર્મિત જિલ્લા અને સત્ર ન્યાયાધિશ કક્ષાના કોર્ટ
બિલ્ડીંગનુ ટૂંક સમયમાં લોકાર્પણ કરાશેઃ
કાયદા મંત્રી ભુપેન્દ્રસિંહ ચુડાસમા
રાજપીપળા શહેર ઉપરાંત આજુબાજુના તિલકવાડા, ગરૂડેશ્વર, ડેડીયાપાડા,
સાગબારા તાલુકાના ગામોના પક્ષકારોને સુવિધા ઉપલબ્ધ
રાજપીપલા, તા26
કાયદા રાજય મંત્રી પ્રદિપસિંહ જાડેજાએ જણાવ્યું છે કે રાજયના નાગરિકોને ઘર આંગણે
જ સરળતાથી અને સસ્તો ન્યાય મળી રહે માટે રાજય સરકાર કટિબધ્ધ છે. આ માટે રાજયનામોટાભાગના જિલ્લાઓમાં કોર્ટોના પોતાના ભવનો ઉપલબ્ધ કરાવવામાં આવેલ છે જેના ભાગરૂપે
રાજપીપળા ખાતે રૂપિયા ૩૨ કરોડના ખર્ચે નવનિર્મિત જિલ્લા અને સત્ર ન્યાયાધિશ કક્ષાના કોર્ટબિલ્ડીંગનુ ટૂંક સમયમા લોકાર્પણ કરાશે.
મંત્રીશએ ઉમેર્યું કે રાજયના મુખ્યમંત્રી વિજયભાઈ રૂપાણી અને કાયદામંત્રી
ભુપેન્દ્રસિંહ ચુડાસમાના માર્ગદર્શન હેઠળ રાજયમાં નવીન કોર્ટે અને આનુષાંગિક સુવિધાઓનુ
નિર્માણ કરવામાં આવી રહ્યુ છે. આ માટે કાયદા વિભાગને ભૂતકાળમાં ક્યારેય ન આપી હોય એવી
બજેટ જોગવાઈઓ પણ કરાઈ છે.
તેમણે ઉમેર્યુ કે, રાજપીપળા ખાતે નવનિર્મિત કોર્ટ બિલ્ડિંગમાં જિલ્લા અને સત્ર ન્યાયાધિશ
કક્ષા તથા તાબાની કોર્ટે કાર્યરત થવાથી સમાજના બહોળા વર્ગને ફાયદો થશે. આ નવનિર્મિત કોર્ટ
બિલ્ડિંગમાં મોકળાશભર્યા કોર્ટ રૂમો, અધિકારીશ્રીઓ માટેની ચેમ્બર, જજીસ લાયબ્રેરી, કોમ્યુટર
રૂમ, એ. પી. પી. ઓફીસ, કોર્ટની વિવિધ શાખાઓ માટે ઓફીસ રૂમ, ન્યાયાધિશશ્રીઓ માટે
કોન્ફરન્સ રૂમ, ઈક્વાયરી રૂમ, એડવોકેટ લાયબ્રેરી, મુદ્દામાલ રૂમ, રેકર્ડ રૂમ, જેટ્સ તથા લેડીઝ એડવોકેટ બાર રૂમ, જેન્ટ્સ તથા લેડીઝ વિટનેસ રૂમ, ફાયર સેફ્ટી સીસ્ટમ, જનરેટર, સી.સી. રોડ,
પાર્કીંગ વ્યવસ્થા, વિગેરે તમામ સુવિધાઓ ઉપલબ્ધ કરાઈ છે જેના કારણે ન્યાયિક પ્રક્રિયા વેગવંતી બનશે અને એકંદરે તેનો લાભ ન્યાયિક વ્યવસ્થા પ્રણાલીના છેવાડાના લાભાર્થી એવા પક્ષકારોને
મળશે.
નવનિર્મિત કોર્ટ બિલ્ડિંગમાં કેન્ટીન, પોસ્ટ ઓફીસ, બેન્ક વિગેરે સુવિધાઓ પણ ઉપલબ્ધ થશે જેના લાભ કોર્ટ બિલ્ડિંગની મુલાકાતે આવતા પક્ષકારોને મળશે.
મંત્રીએ જણાવ્યું હતું કે કહ્યું કે, આ નવનિર્મિત કોર્ટ બિલ્ડિંગ કરજણ કોલોની કેમ્પસ,
રાજપીપળા ખાતે રાજપીપળાથી કેવડીયા તરફ જતા રસ્તે હોઈ રાજપીપળા શહેર ઉપરાંત
આજુબાજુના તાલુકા જેવા કે, તિલકવાડા, ગરૂડેશ્વર, ડેડીયાપાડા, સાગબારા વગેરે ગામોથી ન્યાયિક
પ્રક્રિયામાં ભાગ લેવા અર્થે આવનાર પક્ષકારોને અવર જવર અર્થે સુવિધા રહેશે.
અત્રે ઉલ્લેખનીય છે કે, આ નવનિર્મિત કોર્ટ બિલ્ડીંગની આજુબાજુ જિલ્લા કક્ષાની મુખ્ય
કચેરીઓ જેવી કે, કલેક્ટર કચેરી, જિલ્લા પંચાયત કચેરી, ડી.એસ.પી. કચેરી તથા અન્ય સરકારીકચેરીઓ આવેલ હોઈ કોર્ટ તથા સરકારી કામકાજ અર્થે આવતા રાજપીપળા તથા તેના આસપાસના
તાલુકા અને તાલુકાના ગામના પક્ષકારોને કામગીરી પૂર્ણ કરવામાં સરળતા રહેશે.
તસવીર :જ્યોતિ જગતાપ, રાજપીપલા
