કણબીપીઠા પાસે છોટા હાથી ટેમ્પો પલટી ખાઈ જતા 6ને ગંભીર ઇજા.

રાજપીપળા, તા.6
નર્મદા કણબીપીઠા અને જૂના માસ ગામની વચ્ચે વળાંકમાં છોટા હાથી ટેમ્પો પલટી ખાઈ જતાં 6 જણાને ગંભીર ઇજા થવા પામી હતી. આ અંગે પોલીસ મથકમાં અકસ્માત ગુનાની ફરિયાદ નોંધાઈ હતી. જેમાં ફરિયાદી ગુલાબસિંહ બોટીયાભાઈ વસાવા એ આરોપી છોટા હાથી ટેમ્પો નંબર જીજે 26 ટી 8406 ના ચાલક સામે ફરિયાદ કરી છે.
ફરિયાદની વિગત મુજબ છોટાહાથી ટેમ્પાની નંબર જીજે 26 ટી 8406 ના ચાલકે તેમનો છોટાહાથી પૂરઝડપે અને ગફલતભરી રીતે હંકારી લાવી વળાંક પાસે ઓવરટેક કરવા જતાં ટેમ્પો પલટી ખાઇ ગયો હતો. છોટા હાથીમાં બેસેલા ફરિયાદી ગુલાબસિંગભાઈની હાસડીમાં ફ્રેક્ચર થયું હતું તથા ડાબા હાથની ત્રણ આંગળી ફેક્ચર કરી તથા માથામાં ઇજા થઇ હતી. તથા સાહેદ સુનિલભાઈ રતિલાલભાઈ વસાવા (રહે, લિંબી,લી તા.સોનગઢ જી.તાપી )ને પણ માથામાં ઈજા કરી તથા જબડામાં ઈજા કરી ફેક્ચર કરેલ.તથા સાહેદ રમેશભાઇ પીપીલુંજીભાઈ ગાવિત (રહે, ટકરવા તા. સોનગઢ જી.તાપી) ને માથામાં તથા જબડા મા ઈજા કરી હતી.તથા સાહેબ અમૃતભાઈ મૂળજીભાઈ વસાવા (રહે,લિંબી તા. સોનગઢ જી.તાપી) ને પણ ડાબા હાથ ઉપર ફેક્ચર કરેલ તથા સાહેબ ભીમસિંગભાઈ સોનિયાભાઈ વસાવા (રહે,પાટલામાડુ )અને ડાબા હાથની કોણી તથા કપાળ ઉપર છોલાઈ ગયું હતું.તથા સાહેબ અનિલભાઈ રતિલાલભાઈ વસાવા (રહે,નાની પીપલ )ને કમરના ભાગે મારા પહોંચાડી ઈજા કરી ગુનો કરતાં પોલીસે કાયદેસરની કાર્યવાહી હાથ ધરી છે.
રિપોર્ટ: જ્યોતિ જગતાપ, રાજપીપળા