આગામી સ્થાનિક સ્વરાજની ચૂંટણી માટે રાજપીપળા પ્રાંત કચેરી પાછળ ઇવીએમ નું ફર્સ્ટ લેવલ ચેકિંગ હાથ ધરાયું.

આગામી સ્થાનિક સ્વરાજની ચૂંટણી માટે રાજપીપળા પ્રાંત કચેરી પાછળ ઇવીએમ નું ફર્સ્ટ લેવલ ચેકિંગ હાથ ધરાયું.
આગામી તાલુકા જિલ્લા પંચાયત અને નગરપાલિકા ચૂંટણી માટે બેંગ્લોર થી આવેલા એન્જિનિયર ની ટીમ દ્વારા ઇવીએમ નું ચેકિંગ હાથ ધરાયું.
રાજપીપળા,તા.31
નર્મદા જિલ્લામાં ચૂંટણી જાહેર થઈ ગઈ છે. જેમાં તાલુકા,જિલ્લા પંચાયતો અને નગરપાલિકાની ચૂંટણીઓ યોજાનાર હોય તે માટે ચૂંટણી શાખા અને વહીવટી તંત્ર સજ્જ બન્યું છે.જેમાં પ્રાંત કચેરી દ્વારા ઇવીએમ મશીન નું ચેકિંગ કરવામાં આવ્યું હતું.જેમાં તાલુકા જિલ્લા પંચાયત માટે 734 બેલેટ યુનિટ જેટલા નગરપાલિકાના 152 બેલેટ યુનિટ સાથે 103 કંટ્રોલ યુનિટનું આજે પ્રથમ તબક્કાનું ચેકિંગ હાથ ધરવામાં આવ્યું હતું.પ્રાંત અધિકારી કે.ડી ભગતે જણાવ્યા અનુસાર ચૂંટણી માટે તંત્ર સજ્જ છે.તમામ તૈયારીઓ શરૂ કરી દેવામાં આવી છે.હાલ ઈવીએમ મશીનની ચકાસણી કરવામાં આવી છે. તેમાં કોઈ ટેક્નિકલ ખામી રહી ન જાય તેની ચકાસણી કરાઈ છે. માટે બેંગ્લોર થી આવેલા એન્જિનિયરની ટીમ દ્વારા ઇવીએમ નું ચેકિંગ હાથ ધરાયું છે.

રિપોર્ટ: જ્યોતિ જગતાપ, રાજપીપળા