નર્મદા નિગમ અને SVPRETનાં સંયુકત ઉપક્રમે કેવડીયા ખાતે ફરજ બજાવતા ૨૬૦૨ કર્મચારીઓનો કોવીદ 19(આરટી પીસી આર ) ટેસ્ટ કરાયો.
કર્મચારીઓનાં સારા સ્વાસ્થ્યની કામના સાથે સઘન કોરોના ફ્રી કેવડીયાની ઝુંબેશ હાથ ધરાઇ.
રાજપીપલા તા 9
વિશ્વની સૌથી ઊંચી પ્રતિમા સ્ટેચ્યુ ઓફ યુનિટી (Statue of Unity)ના લોકાર્પણને આગામી 31 મી ઓક્ટોબર 2020 ના રોજ 2 વર્ષ પુરા થશે અને ત્રીજા વર્ષમાં પ્રવેશ કરશે. પીએમ મોદીની સંભવિત ઉપસ્થિતિમાં 31 ઓક્ટોબરના રોજ સ્ટેચ્યુ ઓફ યુનિટી (Statue of Unity) ખાતે રાષ્ટ્રીય એકતા દિવસની ઉજવણી થશે. એ માટે નર્મદા જિલ્લા વહીવટીતંત્ર દ્વારા તૈયારીઓ પણ શરૂ કરી દેવામાં આવી છે. કદાચ પીએમ મોદી એ દિવસે સ્ટેચ્યુ ઓફ યુનિટી (Statue of Unity) પ્રવાસીઓ માટે ખુલ્લો મુકવાની જાહેરાત પણ કરી શકે એવી સંભાવનાઓ રહેલી છે.
હાલ કોરોના મહામારી ચાલી રહી છે.
પ્રવાસીઓના સ્વાસ્થ્ય માટે પીએમ મોદીના આગમન પહલા સ્ટેચ્યુ ઓફ યુનિટી (Statue of Unity) વિસ્તારને કોરોના મુક્ત બનાવવા માટે તંત્ર દ્વારા કવાયત હાથ ધરવામાં આવી રહી છે.SOU વિસ્તારમાં રાજ્યનો સૌથી મોટો કોરોના ટેસ્ટિંગ કેમ્પનું આયોજન કરાયું છે.આ રિપોર્ટ PMO માં મોકલાશે
હાલ સમગ્ર વિશ્વ covid19 મહામારીનો સામનો કરી રહ્યું છે.ત્યારે અસરકારક ટેસ્ટિંગ થકી કોરોનાને જરૂર નાથી શકાય છે જેથી કેવડિયા ખાતે ફરજ બજાવતા કર્મચારીઓનાં સ્વાસ્થ્યની ચિંતા કરીને પ્રત્યેક કર્મચારીનાંકોવીદ 19(આરટી પીસી આર ) ટેસ્ટ કરવાનો નિર્ણય નર્મદા નિગમના વહીવટી સંચાલક અને ગુજરાત વનવિભાગના અધિક મુખ્ય સચિવ ડૉ. રાજીવ કુમાર ગુપ્તાનાં અમૂલ્ય માર્ગદર્શન હેઠળ અને સ્ટેચ્યુ ઓફ યુનિટીનાં મુખ્ય વહીવટદાર મનોજ આર.કોઠારીની આગેવાનીમાં લેવાયો હતો.તે મુજબ આજે કેવડીયાનાં ૧૦ અલગ-અલગ કેન્દ્ર પરથી ખાસ મેડીકલ ટીમ મારફતે આ કામગીરી સંપન્ન કરાઇ હતી.
આજરોજ સવારે 8 કલાકથી કેવડિયા કોલોનીમાં 10 અલગ અલગ કેન્દ્રો પર કોવીદ 19(આરટી પીસી આર ) ટેસ્ટ કરવાની કાર્યવાહી કરવામાં આવી હતી.આ ટેસ્ટ ઝુંબેશમાં કેવડિયા ખાતે ફરજ બજાવતા સરદાર સરોવર નર્મદા નિગમ લી.,સ્ટેચ્યુ ઓફ યુનિટી, વનવિભાગ કેવડિયા,ગુજરાત પ્રવાસન વિકાસ નિગમ લી., GSECL,જિલ્લા કલેકટર કચેરી તેમજ L&T અને ટર્નરનાં તમામ કર્મચારીઓ તેમજ અધિકારીઓ તથા માધ્યમકર્મીઓનાં પણ ટેસ્ટ કરવામાં આવ્યા હતા. આ માટે સૂક્ષ્મ આયોજન નાયબ મુખ્ય વહીવટદારશ્રી નિલેશ દુબેનાં વડપણ હેઠળ ઘડી કાઢવામાં આવ્યુ હતુ.
તે મુજબ પ્રત્યેક કેન્દ્ર પર સોશિયલ ડિસ્ટન્સ સહિતની કાળજી રખાઇ હતી. ટેસ્ટિંગ પ્રક્રિયામાં જરૂરી વ્યવસ્થા ઉભી કરીને એક પણ કર્મચારી ટેસ્ટીંગથી વંચિત ન રહી જાય તે માટે ખાસ વ્યવસ્થા કરાઇ હતી.. સમગ્ર આયોજન સફળતા પૂર્વક પાર પડે તે માટે વિવિધ 12 ટીમનું ગઠન કરાયુ હતુ તેમજ ટેસ્ટિંગ માટે 50થી વધુ મેડિકલ ટીમોએ ભાગ લીધો હતો.
ટેસ્ટીંગ પ્રકિયા દરમ્યાન સ્ટેચ્યુ ઓફ યુનિટીનાં મુખ્ય વહીવટદાર અને જીલ્લા કલેકટર મનોજ આર.કોઠારીએ નાયબ મુખ્ય વહીવટદારશ્રી નિલેશ દુબેની સાથે જંગલ સફારી,ડેમ વ્યુ પોઇન્ટ નંબર-૩ ખાતેનાં કેન્દ્રોની મુલાકાત લીધી હતી અને જરૂરી માર્ગદર્શન પણ પૂરૂ પાડયુ હતુ.
આ અંગે માધ્યમકર્મિઓ સાથેની વાતચિતમાં જણાવ્યુ હતુ કે, કેવડીયા ખાતે ફરજ બજાવતા સરકારી અને આઉટસોર્સીંગકર્મચારીઓનાં સારૂ સ્વાસ્થય જળવાઇ રહે તે આશયથી કોરોનાં ટેસ્ટ કરવા માટેની સઘન ઝુંબેશ હાથ ધરાઇ હતી
તસવીર :જ્યોતિ જગતાપ , રાજપીપલા
