કરજણ ડેમમાં ઉપરવાસનાં વરસાદ બંધ થતા કરજણ ડેમમાં પાણીની આવક ઘટી. કરજણ ડેમમાં હાલ 35. 48 % પાણી બચ્યું છે કરજણ ડેમ 64. 52% ખાલી થયો.

ખેડૂતો ની જરૂરિયાત પ્રમાણે ડાબા, જમણા કાંઠાની નહેરમાં તથા હાઈડ્રોપાવર મળી કુલ 565 પાણી છોડાયું.
રાજપીપળા, તા.7
છેલ્લા ત્રણ દિવસથી સાગબારા દેડીયાપાડા ના ઉપરવાસમાં એકથી દોઢ ઇંચ વરસાદ થતાં અને ઉપરવાસના ઘંટોલી, ફૂલવાડીમાં વરસાદ થતાં અને તરાવ નદીમાં પણ આવક વધતા તેનું પાણી કરજણ ડેમમાં આવતા કરજણ ડેમમાં પાણીની આવક વધવા પામી હતી. પણ વરસાદનું જોર ઘટતા ડેમમાં પાણીની આવકમાં પુનઃ ઘટાડો થવા પામ્યો હતો. કરજન ડેમમાં ડેમ36 % થી વધીને હાલ 39% ભરાયા બાદ હવે આજની તારીખે ઘટીને 35.48 % થઈ ગયું છે. અર્થાત્ કરજણ ડેમ 64.52% ખાલી થઈ ગયો છે. કરજણ ડેમની સપાટી પણ ઘટીને 100.24 મીટરે પહોંચી છે.
કરજણ ડેમના નાયબ કાર્યપાલક ઇજનેર એવી મહાલના જણાવ્યા અનુસાર ખેડૂતોની સિંચાઈ જરૂરિયાતને માંગ પ્રમાણે કરજણ ડેમમાંથી ડાબા કાંઠાની નહેરમાં 75 ક્યુસેક અને જમણા કાંઠાની નહેરમાં 40 ક્યુસેક પાણી સિંચાઈ માટે જોડાઈ રહ્યું છે. હાલ હાઈડ્રોપાવરમાં વીજ ઉત્પાદન ચાલુ હોવાથી હાઈડ્રોપાવર 450 ક્યુસેક પાણી ડિસ્ચાર્જ થઈ રહ્યું છે. આમ હાલ કુલ 565 ક્યુસેક પાણી છોડાઈ રહ્યું છે.
હાલ કરજણ ડેમની સપાટી 100.24 મીટર છે. ડેમનો લાઇવ સ્ટોરેજ 182.69 મિલિયન ઘન મીટર છે. જ્યારે સ્ટોરીજ 206.65 મિલિયન ઘન મીટર છે. ડેમની નજીકના બંને હાઈડ્રોપાવર ધમધમતા હોય રોજની 72000 યુનિટ વીજળીનું ઉત્પાદન થઈ રહ્યું છે.
રિપોર્ટ: જ્યોતિ જગતાપ, રાજપીપળા