વ્યારા વન વિભાગના તાપ્તી રેન્જના રેન્જ ફોરેસ્ટ ઓફિસર સ્વ. શ્રી વિકાસ દેસાઈનું અકાળે નિધનના સમાચારથી ખૂબ જ દુખની લાગણી અનુભવું છું.
બાતમીના આધારે તેમને જાણ થઈ હતી કે ગુજરાતમાંથી મહારાષ્ટ્ર તરફ ખેરના લાકડાનું ગેરકાયદેસર પરિવહન થઈ રહ્યું છે. આ ગેરકાયદેસર પ્રવૃત્તિને રોકવાના પ્રયાસરૂપે તેમણે વાહનનો પીછો કરીને તેને અટકાવ્યું હતું. પરંતુ ફરજ બજાવતા દરમિયાન તેમણે વન વિભાગ માટે પોતાનું સર્વોચ્ચ બલિદાન આપીને વીરગતિ પ્રાપ્ત કરી.
સ્વ. શ્રી વિકાસ દેસાઈની બહાદુરી, નિઃસ્વાર્થ સેવા, કર્તવ્યનિષ્ઠા અને જંગલોના સંરક્ષણ તથા કાયદાના પાલન પ્રત્યેની તેમની અડગ પ્રતિબદ્ધતા હંમેશા ગૌરવ અને કૃતજ્ઞતા સાથે યાદ રહેશે.
ૐ શાંતિ. 🙏
