*📍નેતાઓ પર હુમલાનો વિરોધ: ભરૂચમાં આમ આદમી પાર્ટીનાં કાર્યકરોની અટકાયત*

*📍નેતાઓ પર હુમલાનો વિરોધ: ભરૂચમાં આમ આદમી પાર્ટીનાં કાર્યકરોની અટકાયત*

મનિષ કંસારા

*​ભરૂચ, ગુજરાત:* આમ આદમી પાર્ટી (AAP)ના નેતાઓ પર થયેલા કથિત હુમલાનાં વિરોધમાં ભરૂચ ખાતે AAP દ્વારા વિરોધ પ્રદર્શનનું આયોજન કરવામાં આવ્યું હતું. આ પ્રદર્શન દરમિયાન પોલીસે આમ આદમી પાર્ટીનાં કેટલાક કાર્યકરોની અટકાયત કરી હતી.

પ્રદેશમાં AAPના નેતાઓ પર થયેલા હુમલાઓ અને કથિત હિંસાનાં બનાવ નાં વિરોધમાં આ પ્રદર્શન યોજાયું હતું.

મોટી સંખ્યામાં એકઠા થયેલા AAPના કાર્યકરોએ પોતાના હાથમાં બેનરો લઈને વિરોધ નોંધાવ્યો હતો. આ દરમિયાન તેમણે સરકાર અને કથિત હુમલાખોરો વિરુદ્ધ જોરદાર સૂત્રોચ્ચાર પણ કર્યા હતા.

કાયદો અને વ્યવસ્થા જાળવવા માટે પોલીસે તુરંત કાર્યવાહી કરી હતી અને વિરોધ પ્રદર્શન કરી રહેલા AAPના કેટલાક મુખ્ય કાર્યકરોને અટકાયતમાં લીધા હતા.

AAPના કાર્યકરોની માંગ છે કે નેતાઓ પર હુમલા કરનારાઓ સામે સખત કાર્યવાહી કરવામાં આવે અને ગુજરાતમાં લોકશાહી ઢબે રાજકીય પ્રવૃત્તિઓ કરવાની સ્વતંત્રતા સુનિશ્ચિત કરવામાં આવે.

​આમ આદમી પાર્ટીએ આ અટકાયતને લોકશાહીનાં અવાજને દબાવવાનો પ્રયાસ ગણાવીને તેની ટીકા કરી છે.

#indiacrimemirror