પૂર્વ ઉર્જા મંત્રી સૌરભ પટેલ પણ ફરીથી કોરોનાગ્રસ્ત થયા થયા છે. આ વખતે તેમનો આખો પરિવાર કોવિડ-19 પોઝિટિવ આવ્યો છે
કોરોના સંક્રમણે એટલો બધો કહેર મચાવ્યો છે કે, હવે કોરોનાના ભરડામાં નેતાઓ, કોરોના વોરિયર્સ, ખેલાડીઓ તેમજ બોલીવુડ સહિતની દિગ્ગજ હસ્તીઓ પણ ઝપેટમાં આવી ગઇ છે. ત્યારે રાજ્યમાં તાજેતરમાં જ મોટા સમાચાર સામે આવ્યાં છે. પૂર્વ ઉર્જા મંત્રી સૌરભ પટેલ પણ ફરીથી કોરોનાગ્રસ્ત થયા થયા છે. આ વખતે તેમનો આખો પરિવાર કોવિડ-19 પોઝિટિવ આવ્યો છે. તેઓ પોતાના નિવાસસ્થાને હોમ આઇસોલેટ થયા છે.અત્રે ઉલ્લેખનીય કે રાજ્યમાં કોરોના કેસ વધી રહ્યા છે, ત્યારે ડિસેમ્બર મહિનાના અંતમાં સોશિયલ મીડિયામાં એક એવો વીડિયો સામે આવ્યો હતો જેના કારણે ખળભળાટ મચ્યો છે. બોટાદમાં પૂર્વ ઉર્જા મંત્રી સૌરભ પટેલની હાજરીમાં જ કોરોનાને ખુલ્લું આમંત્રણ આપવામાં આવ્યું હોય તેવી સ્થિતિ ઉદ્દભવી હતી. બોટાદમાં નાઈટ ક્રિકેટ ટૂર્નામેન્ટનું આયોજન કરવામાં આવ્યું હતું. પહેલી ડિસેમ્બરથી ક્રિકેટ ટૂર્નામેન્ટની શરૂઆત થઈ હતી અને 25 ડિસેમ્બરે ટૂર્નામેન્ટની ફાઈનલ મેચ હતી. ત્યારે ફાઈનલ મેચ જીતેલી ટીમે કોરોનાના નિયમો ભૂલીને જોરદાર ઉજવણી કરી હતી. જેનો વીડિયો સામે આવ્યો હતો.બોટાદમાં કોરોનાની ત્રીજી લહેરને ખુલ્લું આમંત્રણ આપતા દ્રશ્યો સામે આવ્યા હતા. પૂર્વ મંત્રીની હાજરીમાં જ કોરોનાને આમંત્રણ આપવા હજારોની સંખ્યામાં ભીડ ઉમટી હતી. ઓમિક્રોન અને કોરોનાના ખતરા વચ્ચે બોટાદમાં એક મહિના જેટલી લાંબી નાઈટ ક્રિકેટ ટૂર્નામેન્ટ યોજવામાં આવી હતી. જેની ફાઈનલમાં જીત મેળવ્યા બાદ ભીડ એવી રીતે એકઠી થઈ કે જેને જોઈને સૌ કોઈ ચોંકી જશે. અને આ ભીડનો વીડિયો બીજા કોઈ નહીં પણ ખુદ પૂર્વ મંત્રી સૌરભ પટેલે શેર કર્યો હતો. મેચમાં ઉમટેલા લોકોમાના મોઢા પર ના તો માસ્ક હતું કે ના તો ક્યાંય સોશિયલ ડિસ્ટન્સ જોવા મળ્યું. નવાઈની વાત તો એ છે કે આ ટૂર્નામેન્ટમાં ખુદ જિલ્લા પોલીસ વડા મુખ્ય મહેમાન હતા. ત્યારે સવાલ એ થાય છે ત્રીજી લહેરના ભણકારા વચ્ચે પણ આવી બેદરકારી કેમ. શું આવી રીતે ઓમિક્રોન સામે લડીશું. નેતાઓ જ કેમ ભાન ભૂલી આવી ભીડ એકઠી કરી રહ્યા છે. સામાન્ય લોકોને દંડ કરતી બોટાદ પોલીસને આ ભીડ કેમ ના દેખાણી. એક મહિના સુધી ટૂર્નામેન્ટ ચાલી તોય પોલીસને કેમ જાણ ના થઈ. અહીં હજારોની સંખ્યામાં ભીડ વચ્ચે પૂર્વ મંત્રી સૌરભ પટેલ હાજર હતા. એટલું જ નહીં, પૂર્વ મંત્રી સૌરભ પટેલે જ નિયમતોડ ભીડનો વીડિયો શેર કર્યો હતો. #🦠 પૂર્વ ઊર્જામંત્રી ફરીથી કોરોનાની ઝપેટમાં
