જિલ્લાના પોલીસ અધિક્ષક હિમકર સિંહેપીએસઆઇ પાઠક સહિત નિર્ભયા સ્કવોર્ડનું પ્રમાણપત્ર આપી કર્યું સન્માન

દોઢ માસમાં નિર્ભયા સ્કવોર્ડની બહેનો ઘરે ઘરે જઈ ને સ્થળ ઉપર 2518 ફોર્મ ભરી પેન્શન આપવાની કાર્યવાહી કરી એક નવો કિર્તીમાન સ્થાપ્યો

રાજપીપલા, તા.1


નર્મદા જિલ્લાના પોલીસની નિર્ભયા સ્કવોર્ડ દ્વારા વિધવા પેન્શન અને વૃદ્ધા પેન્શન અપાવવાની કામગીરી ગામડે ગામડે ફરી જેને પેન્શન મળવા પાત્ર હોવા છતાં પેન્શન મળતું ન હતું.એવા ગરીબલોકોનો પેન્શન અપાવવા માટે દોઢ માસમાં નિર્ભયા સ્કવોર્ડની બહેનો ઘરે ઘરે જઈ ને ગરીબ લોકોને ખોટા ધક્કા ન ખાવા પડે જેથી સ્થળ ઉપર 2518 ફોર્મ ભરી પેન્શન આપવાની કાર્યવાહી કરી ને એક નવો નર્મદા પોલીસ કિર્તીમાન સ્થાપ્યોછે.તથા ગુજરાત રાજ્ય માં નર્મદા પોલીસ નું નામ રોશન કરી છે તથા ગરીબ વિધવા મહિલાઓના જમીન અને ઘર પચાવી લેવાના કિસ્સામાં એ લોકોને મદદે આવી એમનું જમીન પાછી અપાવી અને જરૂરતમંદ લોકોને અનાજ અને ફળ કીટ નું વિતરણ કરી તથા ગુમ થયેલ છોકરીઓ ને એમના માતા પિતા થી મિલાપ કરાવી એમના ઘેર પાછા મોકલી આપેલ. એવા અનેક કામો ને ધ્યાનમાં લઇ જિલ્લાના પોલીસ અધિક્ષક હિમકર સિંહે
નિર્ભયા સ્કવોર્ડ ના પી.એસ.આઇ કે.કે .પાઠક તથા નિર્ભયા સ્કોટ ના 14 મહિલા પોલીસ કોન્સ્ટેબલો ને સારી કામગીરી બદલ પ્રોત્સાહન રૂપે પ્રમાણપત્ર આપી સન્માનિત કર્યા હતા.

તસવીર :જ્યોતિ જગતાપ, રાજપીપલા