પારિજાત, એક એવું વૃક્ષ છે. જેનો પુરાણોમાં પણ ઉલ્લેખ મળે છે કે આ વૃક્ષ સાગર મંથનથી પ્રાપ્ત થયેલું દિવ્ય વૃક્ષ છે. જેને સ્વર્ગમાંથી ધરતી પર લાવવામાં આવ્યું છે.

પારિજાત માહાત્મ્યતા..🙏

હકીકતમાં પારિજાત, એક એવું વૃક્ષ છે. જેનો પુરાણોમાં પણ ઉલ્લેખ મળે છે કે આ વૃક્ષ સાગર મંથનથી પ્રાપ્ત થયેલું દિવ્ય વૃક્ષ છે. જેને સ્વર્ગમાંથી ધરતી પર લાવવામાં આવ્યું છે.

5 ઓગસ્ટના રોજ વડાપ્રધાન નરેન્દ્ર મોદી જ્યારે ભગવાન રામના મંદિરના ભૂમિ પૂજન માટે અયોધ્યા પહોંચ્યા તો ભગવાન રામની નગરીના રક્ષક હનુમાનજીના દરબારમાં સૌથી પહેલા પધાર્યા હતાં. હનુમાનગઢીમાં મોદીએ હનુમાનજીની પૂજા કરી અને ભૂમિ પૂજન સ્થળ પર પારિજાતનો છોડ લગાવ્યો હતો. જોકે, સવાલ એ ઉઠે છે કે આખરે મોદીએ પારિજાતનો છોડ જ કેમ લગાવ્યો?
પારિજાતનો સીતામાતા સાથે સંબંધ

હકીકતમાં પારિજાત, એક એવું વૃક્ષ છે. જેનો પુરાણોમાં પણ ઉલ્લેખ મળે છે કે આ વૃક્ષ સાગરમંથનથી પ્રાપ્ત થયેલું દિવ્ય વૃક્ષ છે. જેને સ્વર્ગમાંથી ધરતી પર લાવવામાં આવ્યું છે. આ વૃક્ષ સાથે ભગવાન રામ અને દેવી સીતાના વનવાસની યાદો પણ જોડાયેલી છે. સીતામાતા વનવાસના દિવસોમાં આ વૃક્ષના ફૂલોની જ માળા બનાવતા હતાં. આ ફૂલથી જો માતા લક્ષ્મી અને તેમના અવતારો સીતા અને રુકમણીની પૂજા કરવામાં આવે તો ઘરમાં ધનધાન્યની વૃદ્ધિ થાય છે. મોદીએ હનુમાનજીની પૂજા કરી. રામંદીર માટે ભૂમિપૂજન કર્યુંતો દેવી સીતાની અનુકંપા માટે પારિજાતનું રોપણ કર્યું.

કથા અનુસાર પારિજાત વૃક્ષની ઉત્પત્તિ સમુદ્ર મંથન દરમિયાન થઈ હતી અને તે દેવતાઓને મળ્યું હતું. સ્વર્ગમાં ઈન્દ્રએ પોતાની વાટિકામાં તેને લગાવ્યું હતું. એવી કથા છે કે એકવાર ભગવાન શ્રીકૃષ્ણ અને દેવી રુકમણી સાથે બેઠા હતાં ત્યારે નારદ મુનિ ત્યાં આવ્યા અને પારિજાતની માળા ભગવાન શ્રીકૃષ્ણને ભેટ ધરી હતી. શ્રીકૃષ્ણએ આ માળા રુકમણીને આપી. જેના પર નારદમુનિએ કહ્યું કે તેઓ હારને ધારણ કરીને દરેક રાણીઓમાં સૌથી સુંદર લાગી રહ્યાં છે. જોકે, આ વાત સત્યભામા સુધી પહોંચી તો તેણે પણ જિદ પકડી કે તેને સ્વર્ગમાંથી પારિજાતનું ઝાડ જોઈએ છે.

પારિજાતને લાગ્યો છે ઈન્દ્રનો શાપ

પત્નીની જીદ પૂરી કરવા માટે શ્રીકૃષ્ણને દેવલોક પર આક્રમણ કરવું પડ્યું હતું. ઈન્દ્ર નહોતા ઈચ્છતાં કે સ્વર્ગની સંપત્તી ધરતી પર જાય. જોકે, શ્રીકૃષ્ણ સામે તો મનાઈ પણ નહોતા કરી શકતાં. શ્રીકૃષ્ણ જ્યારે ધરતી પર લઈને આવતા હતા ત્યારે ઈન્દ્રથી ન રહેવાયું અને તેમણે શાપ આપ્યો કે, પારિજાતના ફૂલ માત્ર રાતે જ ખીલશે અને સવારે તો વિખેરાઈ જશે. આ કારણે જ પારિજાતના ફૂલ સૂર્યોદય પહેલા ખરી જાય છે.

ધરતી પર પડેલા ફૂલથી પણ થાય છે પૂજા
આમ તો પૂજામાં જમીન પર પડેલા ફૂલ વાપરવામાં આવતા નથી પરંતુ પારિજાતના ફૂલો અપવાદ છે. પારિજાતના ફૂલો તો ચૂંટીને પણ દેવી-દેવતાઓને અર્પિત કરવામાં આવે છે. હકીકતમાં સ્વર્ગથી પારિજાત લાવ્યા પછી કાનાએ ચતુરાઈથી આ વૃક્ષ એવી રીતે લગાવ્યું કે ઝાડ તો સત્યભામાના આંગણામાં રહ્યું પરંતુ ફૂલ રુકમણીના પ્રાંગણમાં આવીને પડતા હતાં. જેનાથી જ તેઓ શૃંગાર કરતા હતાં. આ કારણે જ ધરતી પર પડેલા ફૂલથી પણ દેવી દેવતાઓની પૂજા થઈ શકે છે.

પારિજાત-એક દિવ્ય પ્રેમિકા
પારિજાતને લઈને એક કથા એવી પણ છે કે એક રાજકુમારી હતી. જેને સૂર્ય સાથે પ્રેમ થઈ ગયો હતો. જોકે, સૂર્યએ તેને અપનાવી નહીં. પ્રેમમાં પારિજાતે શરીરનો ત્યાગ કર્યો અને તેની ચિતાથી એક છોડવું નીકળ્યું. જેના ફૂલ રાતમાં સુગંધથી મનમોહી લેતા હતાં. જોકે, સવારે સૂર્ય નીકળતા પહેલા જ ફૂલ નીચે પડી જતાં હતાં. એવું કહેવાય છે કે રાજકુમારી જ પારિજાતના વૃક્ષ તરીકે પ્રગટ થઈ હતી જેવી રીતે વૃંદાની ચિતાની રાખથી તુલસી ઉત્પન્ન થઈ હતી.

એવું કહેવામાં આવે છે..જેના ઘરમાં પારિજાત હોય અને જેટલાં પારિજાતનાં ફુલ આંગણામાં પડે એટલી સુખ સમુદ્ધી આપણા ઘરમાં આવે..

સ્વાસ્થ્ય માટે પણ લાભદાયક છે પારિજાત
પારિજાત પૂજા-પાઠ અથવા તો સુખ-સમૃદ્ધિ માટે અને સ્વાસ્થ્ય માટે પણ અત્યંત લાભદાયી છે. હાલ કોરોના વાયરસની મહામારીમાં ઈમ્યુનિટી વધારવાની સલાહ આપવામાં આવે છે. પારિજાતના પાન અને છાલનું સેવન આ મામલે લાભદાયી છે. આયુર્વેદ અનુસાર પારિજાતના 15થી 20 ફૂલ અથવા તો તેના રસનું સેવન કરવાથી હૃદય સંબંધિત મુશ્કેલીઓથી રાહત મળે છે. જોકે, આ ઉપાય કોઈ આયુર્વેદિક ચિકિત્સકની સલાહ પર જ અપનાવવો જોઈએ. આ ઉપરાંત એવું પણ કહેવાય છે કે, આ ફૂલની સુગંધથી સ્ટ્રેસ પણ હળવો થઈ જાય છે. પારિજાતની છાલને ઉકાળીને પીવાથી શરદીમાં પણ રાહત મળે છે, તાવમાં પણ આ લાભદાયક છે.

જય શ્રીકૃષ્ણ.🙏
શ્રીકૃષ્ણાપઁણસ્તુ.🙏