*1.41 કરોડના ગોલ્ડ પાઉડરની ચોરી કરી ભાગ પાડવા એકઠાં થયા પોલીસે 9ને ઝડપી પાડ્યા*

સુરતઃ વરાછા રોડ પર આવેલી ડેઝલ જ્વેલર્સના કારખાનામાં ગત 15મીના રોજ 1.41 કરોડના સોનાના પાઉડરની ચોરી થઈ હતી. ચોરાના પગલે વરાછા પોલીસ અને ક્રાઈમ બ્રાન્ચ દ્વારા તપાસ હાથ ધરવામાં આવી હતી. જેમાં બાતમી આધારે પોલીસ દ્વારા બંગાળી ગેંગના 9ને ઝડપી પાડવામાં આવ્યા છે. ટોળકી પાસેથી સોનાની લંગડી 27.76 લાખ, રોકડ 1.74 લાખ, મોબાઇલ-14 1.27 લાખ, મોપેડ-બાઇક સહિત 31.52 લાખનો મુદ્દામાલ કબજે કર્યો છે. અત્રે ઉલ્લેખનિય છે કે, ચોરોએ એક સોનાની લગડી બનાવી વેચી પણ દીધી હતી. જેથી આ સોનાની લગડી ખરીદનારની પોલીસ દ્વારા શોધખોળ હાથ ધરવામાં આવી છે.