1 / 1/ 1908માં અવિભાજીત ભારતમાં જન્મેલા મંડલ બે વખત દેશના ભાગલના સાક્ષી રહ્યા છે
દક્ષિણી દિલ્હીના ચિતરંજન પાર્કમાં 110 વર્ષની એક મહિલાએ મતાધિકારનો ઉપયોગ કર્યો છે. મહિલાનું નામ કાલિતારા મંડલ છે. મહિલાએ મતદાન કર્યા બાદ જણાવ્યું કે જ્યારથી તેમને મતદારકાર્ડ મળ્યું છે ત્યારથી તેમણે દરેક ચૂંટણીમાં મતદાન કર્યું છે.
દિલ્હીના આ સૌથી વયોવૃદ્ધ મતદારનો જન્મ બાંગ્લાદેશમાં થયો છે. 1908માં અવિભક્ત ભારતમાં જન્મેલા મંડલે દેશના બે વખત થયેલા ભાગલાના સાક્ષી રહ્યા છે. ભારતમાં જ તેઓ બે વખત તેમના પરિવાર સાથે શરણાર્થીની જેમ જીવ્યા છે. છેવટે રાજધાની દિલ્હીમાં ઠરીઠામ થયા હતા.
110 વર્ષની આ મહિલાએ પોતાના તમામ દાંત ગુમાવી દીધા છે, પરંતુ ફિશ ખાવાની તેમની ઇચ્છાને અવશ્યપણે રોકી શકતા નથી. કાલિતારા ઉપરાંત સતાયુ વટાવી ચૂકેલા 107 વર્ષના એક વૃદ્ધે પણ દિલ્હીની ચૂંટણીમાં મતદાન કર્યું છે. તેમણે જણાવ્યું કે તેઓ પણ આજ સુધી ક્યારેય મતદાન કરવાનું ચૂક્યા નથી. મતાધિકારનો તેઓ ચોક્કસ પણે ઉપયોગ કરે છે. આમ દિલ્હી ચૂંટણીમાં સદી વટાવેલા મતદારોએ મતદાન કરીને લોકોને પોતાના મતાધિકારનો ઉપયોગ કરવાની પણ સલાહ આપતો સંદેશ આપ્યો હતો.
