સાગબારા તાલુકા પંચાયતમાં કોંગ્રેસને આપેલ સમર્થન પરત ખેંચ્યું.
સમર્થન પરત ખેંચવા બાબતનો પત્ર તાલુકા વિકાસ અધિકારીને સુપ્રત કર્યો.
રાજપીપળા,તા.16
બીટીપી દ્વારા આજે સાગબારા તાલુકા પંચાયતમાં કોંગ્રેસને આપેલ સમર્થન પરત ખેંચી લેતા સાગબારા તાલુકા પંચાયતમાં હડકંપ મચી જવા પામ્યો છે.આ બાબતનો પત્ર તાલુકા વિકાસ અધિકારીને બીટીપીના કાર્યકરોએ લેખિતમાં જાણ કરી પત્ર સુપરત કર્યોછે.
બીપીએ સમર્થન પાછું ખેંચી લેતા તાલુકો સાગબારા તાલુકાના રાજકારણમાં ભર શિયાળે રાજકીય ગરમાવો આવી જવા પામ્યો છે. રાજસ્થાનમાં બીપીના ઉમેદવારોને હરાવવા કોંગ્રેસ અને ભાજપ દ્વારા એક જૂથ હતા,તેના પડઘા ગુજરાતમાં પણ પડયા હતા.જેના અનુસંધાને ભરૂચ અને નર્મદા જિલ્લા પંચાયતમાં બીટીપી આપેલ કોંગ્રેસને સમર્થન પણ પરત ખેંચી લેતાં ગુજરાતના રાજકારણમાં ગરમાવો આવી જવા પામ્યો હતો. ત્યારે તેના પડઘા નર્મદાના સાગબારા ખાતે પણ પડ્યા હતા. સાગબારા તાલુકા પંચાયતમાં બીટીપી કોંગ્રેસને સમર્થન આપ્યું હતું. ત્યારે આજે બીટીપી કોંગ્રેસને આપેલું સમર્થન પરત ખેંચી લેતા તાલુકાના રાજકારણમાં ગરમાવો આવી જવા પામ્યો છે.
બીટીપી દ્વારા આપવામાં આવેલ પત્રમાં જણાવ્યું છે કે રાષ્ટ્રીય સ્તરે અને તેમાં પણ ખાસ કરીને રાજસ્થાન તાલુકામાં જિલ્લા પંચાયતની ચૂંટણીમાં પરિણામો આવ્યા બાદ ભાજપ અને કોંગ્રેસ એકજૂથ થઇ જતા તાલુકા-જિલ્લા પંચાયતો કબજે કરેલ છે. બંને રાષ્ટ્રીય પાર્ટીઓ રાજકીય રીતે એકબીજાની વિરોધી હોવા છતાં ગઠબંધન કરેલ છે,એ સંવિધાન માનવ અધિકાર અને લોકશાહી માટે ખતરારૂપ છે. જેથી બીટીપીના રાષ્ટ્રીય અધ્યક્ષ મહેશ વસાવાના આદેશને માન આપીને સાગબારા તાલુકા પંચાયતમાં આપેલ કોંગ્રેસને સમર્થન પર ખેંચીએ છીએ.આ સમર્થન પરતનો પત્ર આપતી વેળા બીટીપીના સાગબારા તાલુકા પ્રમુખ પ્રદીપ કોઠારી, ઉપપ્રમુખ જીતુ વસાવા, માજી તાલુકા પંચાયત પ્રમુખ અરવિંદ વસાવા, કાંતિભાઈ વસાવા સહિત તાલુકા પંચાયતના સદસ્યો હાજર રહ્યા હતા.
રિપોર્ટ : જયોતિ જગતાપ, રાજપીપળા
સાગબારા તાલુકા પંચાયતમાં કોંગ્રેસને આપેલ સમર્થન પરત ખેંચ્યું. સમર્થન પરત ખેંચવા બાબતનો પત્ર તાલુકા વિકાસ અધિકારીને સુપ્રત કર્યો.
