🔔 *નૂતન વર્ષાભિલાષા !* – નિલેશ ધોળકિયા, અમદાવાદ.

હિંદુ નવવર્ષ ૨૦૭૭માં કંઈક ગોતું છું
વીતી ગયેલી વેળા ને પાછો ગોતું છું
ખોવાયેલું મોંઘેરું બાળપણ ગોતું છું
ખબર નથી હું કોનું શું-શું ગમાડું છું
લોકોના ગમા-અણગમા શેં ગોતું છું
એ કાલીધેલી મીઠી કુમળી ક્ષણોને
વોટ્સએપ / fbમાં બહુ બધું ગોતું છું
આજે આંખ-કાનને આડા કરું છું
રોજ આવતીકાલને સર્વત્ર ગોતું છું
મમળાવી પ્રેમનો, યારીનો ધબકાર
ગાઢ સંબંધના રણકારમાં તે ગોતું છું
ઓઢીને ભરબપોરનો શીતળ છાંયડો
સમી સાંજનો સોનેરી તડકો ગોતું છું
તારું-મારું જ્યાં સૌ સહીયારું હતું
સ્વજનના ખભે ય હાશકારો ગોતું છું

વ્યવહાર નહીં, આવિર્ભાવ ગોતું છું

દાવપેચ વિનાનું મૃદુ હાસ્ય ગોતું છું !!