*વકીલાતની સનદ કૌભાંડ*

રાજ્યમાં બનાવટી અને ખોટી માર્કશીટના આધારે વકીલાતની સનદ મેળવવાના કૌભાંડની તપાસ સી.આઇ.ડી. ક્રાઇમને સોંપવા માટે ગુજરાત બાર કાઉન્સિલની બેઠકમાં ઠરાવ કરવામાં આવ્યો છે. રાજયના મુખ્યમંત્રી તથા ગુહ રાજયમંત્રી તેમ જ રાજયના પોલીસ વડા સમક્ષ રજૂઆત કરવામાં આવશે. બનાવટી માર્કશીટના ગુનાની તપાસ સોલા પોલીસ કરી રહી છે પરંતુ આ રાજય અને રાષ્ટ્ર વ્યાપી કૌભાંડ હોવાથી આ તપાસ સીઆઇડી ક્રાઇમને સોંપવા માટે રજૂઆત કરવાનું નક્કી કરાયું છે.સનદ મેળવવા અરજદાર દ્વારા દેશના રાજસ્થાન, ઉત્તર પ્રદેશ, છત્તીસગઢ, તામિલનાડુ, તેલંગાણા સહિતની કેટલીક યુનિવર્સિટીની બોગસ માર્કશીટ મેળવી ગુજરાત બાર કાઉન્સિલમાં જમા કરાવવાનો પ્રયાસ કર્યો છે.