*સેવિંગ એકાઉન્ટ ઝીરો માં 30 કરોડ ટ્રાન્સફર જમા થતાં મહિલા મૂંઝવણમાં*

કર્ણાટકમાં એક આશ્ચર્યકારક ઘટનામાં એક મહિલાની જાણ બહાર તેના બેન્ક એકાઉન્ટમાં 30 કરોડ જમા થતાં મૂંઝવણમાં મુકાઈ ગઈ હતી. બેન્ક સત્તાવાળાઓએ જોકે આ એકાઉન્ટ હોલ્ડ કરી દીધું છે અને પોલીસને આ બાબતની તપાસ કરવા કહ્યું છે.રહેના બાનુ રાજ્યના છન્નાપટનાની બી. ડી. કોલોનીની રહેવાસી છે અને તેને સુખદ આંચકો લાગ્યો હતો, જયારે તેના એસબીઆઇના સેવિંગ એકાઉન્ટમાં 30 કરોડનો વ્યવહાર થયો. આ ઘટના ત્યારે સામે આવી ત્યારે બેન્કના અધિકારીઓએ સંપર્ક સાધ્યો હતો અને તેને તેનું આધારકાર્ડ બેન્ક એકાઉન્ટ સાથે લિન્ક કરવા જણાવ્યું.મારા બેન્ક ખાતામાં આ ફંડ ક્યાંથી આવ્યું તેની મને જાણ નથી, એમ બાનુએ છન્નાપટના પોલીસ સ્ટેશને જણાવ્યું હતું. આ પોલીસ ફરિયાદ નવ જાન્યુઆરી થઈ હતી. રહેના બાનુએ તેનું બેન્ક એકાઉન્ટ સ્ટેટમેન્ટ બતાવતાં જણાવ્યું હતું કે તેના એકાઉન્ટ્સમાં ઝીરો પૈસા છે.