*દિલ્હી ચૂંટણીજંગ ચરમસીમાએ નરેન્દ્ર મોદીની એન્ટ્રી*

નવી દિલ્હીઃ દિલ્હીની વિધાનસભાની ચૂંટણી જેમ-જેમ નજીક આવી રહી છે તેમ-તેમ ચૂંટણી જંગ એની ચરમસીમાએ પહોંચી રહ્યો છે. ખાસ કરીને ભાજપ અને આપ વચ્ચે ખરાખરીનો ચૂંટણીજંગ ખેલાઈ રહ્યો છે. દિલ્હીના ભાજપના સાત સંસદસભ્યો, ગૃહપ્રધાન અમિત શાહ અને ભાજપપ્રમુખ જેપી નડ્ડા દિલ્હી કબજે કરવા માટે એડીચોટીનું જોર અજમાવી રહ્યા છે તો બીજી બાજુ દિલ્હીના મુખ્ય પ્રધાન કેજરીવાલ રોજેરોજ રોડ શો કરી રહ્યા છે. દિલ્હીના દંગલમાં હવે વડા પ્રધાને પણ ઝુકાવ્યું છે. દિલ્હી ચૂંટણી જંગમાં તેમની પહેલી ચૂંટણીસભા યોજાઈ છે.