*અમદાવાદમાં ચોંકાવનારો કિસ્સો યુવતીના પ્રાઈવેટ પાર્ટમાં મરચાંનો પાવડર ભર્યો મરચાંનો પાઉડર નાખનારી ત્રણે મહિલાઓની ધરપકડ*

મહિલાએ પોતાની ફરિયાદમાં લખ્યું છે કે તે અમદાવાદના નારાણપુરામાં આવેલી કાપડની દુકાનમાં કામ કરતી હતી. જ્યાં તેની ગિરીશ ગોસ્વામી સાથે મુલાકાત થઈ હતી. તેની જ સાથે બાદમાં યુવતીનું પ્રેમ પ્રકરણ ચાલી રહ્યું હતું. બે વર્ષના પ્રેમ સંબંધ બાદ યુવતીએ સંબંધો તોડી નાખ્યા અને તે અન્ય દુકાનમાં કામ કરવા માટે ચાલી ગઈ હતી.પીડિતાના જણાવ્યા અનુસાર બે મહિના પહેલા ગિરીશ ગોસ્વામીએ તેને મળવા માટે બોલાવી હતી. જેની ખબર તેની પત્નીને પડી ગઈ હતી. આ વાત સાંભળી યુવકની પત્ની આગ બબૂલા થઈ ગઈ હતી અને આપો ખોઈ બેઠી હતી. પત્નીની પ્રેમિકાને પાઠ ભણાવવા માટે તેણે ત્રણ બહેનપણીઓની મદદથી યુવતીનું અપહરણ કર્યું હતું.પ્રેમીની પત્ની અને તેની સાથે આવેલી એક યુવતીએ પીડિતાનું સ્કૂટીમાં અપહરણ કર્યું હતું. જે પછી એક સૂમસામ રૂમમાં જઈ તેના તમામ વસ્ત્રો ઉતારી નાખવામાં આવ્યા અને પ્રાઈવેટ પાર્ટમાં મરચાંનો પાઉડર નાખવામાં આવ્યો. જ્યારે યુવતી પીડાથી ચિત્કારી ઉઠી ત્યારે અન્ય યુવતીઓએ તેનો વીડિયો બનાવ્યો હતો. અને ધમકી આપી હતી કે હવે ફરી વખત જો તેના પતિને મળશે તો તે એસિડ ફેંકશે.પીડિત પ્રેમિકાએ ફરિયાદમાં એ પણ લખાવ્યું છે કે, ગિરીશની પત્નીએ પીડિતા પાસેથી 50 લાખ રૂપિયાની માગણી પણ કરી હતી, કારણ કે તેના પતિએ યુવતીના કપડાં પાછળ ઘણા પૈસા ખર્ચ કર્યા હતા. એ પછી પીડિતાને તેની સ્થિતિમાં તડપતી છોડી ત્યાંથી ચાલી નીકળી હતી.