👆લો કર લો બાત..અમદાવાદમાં કોવિડ કેર સેન્ટર માટેનો હોટલનો રૂમ બન્યો દારૂની મહેફિલનો રૂમ !

અમદાવાદના બોડકદેવ વિસ્તારમાં આવેલી અને AMC એ કોવિડ કેર સેન્ટર તરીકે જાહેર કરેલી હોટલ જીંજરમાં કોરોનાના દર્દી પાસેથી વસ્ત્રાપુર પોલીસે એક દારૂની બોટલ જપ્ત કરી છે. ઉપરાંત હોટલના રૂમમાં કોરોનાના દર્દી સાથે તેનો મિત્ર જે કોરોના નેગેટિવ છે તે પણ મળી આવ્યો હતો. વસ્ત્રાપુર પોલીસે બંને સામે ગુનો નોંધ્યો છે.

મળેલ વિગતો મુજબ 15મી ઓગસ્ટને લઇ વસ્ત્રાપુર પોલીસ રાતે વિસ્તારમાં આવેલી હોટલમાં ચેકિંગ કરી રહ્યા હતા. દરમિયાન બોડકદેવ વિસ્તારમાં આવેલી હોટલ જીંજરના રૂમો તપાસ કરતા એક રૂમમાં બે યુવક બેડ પર દારૂની બોટલ સાથે ઝડપાયા હતા.

વસ્ત્રાપુર પોલી સ્ટેશનનાં પીઆઇ વાય.બી જાડેજાએ જણાવ્યું કે, હોટલ AMC નું કોવિડ સેન્ટર હાલ નથી. યુવક કોરોનાનો દર્દી હતો અને ત્યાં ક્વોરન્ટીન હતો. જો કે મિત્ર સાથે દારૂ પીવા માટે ભેગો થયો હતો. ઉત્તર પશ્ચિમ ઝોનનાં ડેપ્યુટી હેલ્થ અધિકારી અરવિંદ પટેલે જણાવ્યું કે, કોરોનાના દર્દી અને જે વિદેશથી અમદાવાદ આવે છે તેવા લોકોને હોટલમાં ક્વોરન્ટીન કરવામાં આવે છે. હાલ તો આ સમગ્ર મુદ્દે પોલીસે ગુનો નોંધીને તપાસ હાથ ધરી છે.