*📍ગોડાદરા પોલીસે આયોજિત હુમલાને નિષ્ફળ બનાવી 6 આરોપીઓને ઝડપી પાડ્યા*

*📍ગોડાદરા પોલીસે આયોજિત હુમલાને નિષ્ફળ બનાવી 6 આરોપીઓને ઝડપી પાડ્યા*

મનિષ કંસારા

*સુરતઃ* સુરતના ગોડાદરા પોલીસ સ્ટેશન વિસ્તારમાં ગેરકાયદેસર મંડળી રચીને ઘાતક હથિયારો સાથે ફરિયાદી પર હુમલો કરવાના ઈરાદે આવેલા આરોપીઓને પોલીસે સમયસૂચકતા વાપરીને પકડી પાડ્યા છે. પોલીસની આ ત્વરિત કાર્યવાહીને કારણે એક મોટો બનાવ બનતા અટકી ગયો છે.

પ્રાપ્ત વિગતો અનુસાર, ગત તારીખ ૨૦ માર્ચ ૨૦૨૬ના રોજ રાત્રિ દરમિયાન ફરિયાદી સચિન ધર્મેન્દ્રભાઈ ચૌધરી (ઉં.વ. ૧૯) પાસે આરોપી કનૈયા વિશ્વકર્માએ આપેલા ૧,૦૦૦ રૂપિયાની ઉઘરાણી બાબતે બોલાચાલી અને ઝઘડો થયો હતો. આ બાબતનો ખાર રાખીને આરોપીઓએ ફરિયાદીને જાનથી મારી નાખવાની ધમકી આપી હતી.

ફરિયાદીએ આ અંગે તાત્કાલિક ગોડાદરા પોલીસનો સંપર્ક કરીને જાણ કરી હતી. માહિતી મળતા જ પોલીસની સર્વેલન્સ ટીમ તાત્કાલિક ઘટનાસ્થળે પહોંચી હતી. પોલીસની ટીમે ગણતરીનાં સમયમાં જ હુમલો કરવાના ઈરાદે ફરી રહેલા આરોપીઓને અને તેમની સાથેનાં એક કિશોરને પકડી લીધા હતા.

આ કેસમાં પકડાયેલા આરોપીઓમાં મનિષ ઉર્ફે કાલિયા શ્યામસુંદર ગુપ્તા, પ્રિયેશ ઉર્ફે સાહુલ કડેટિન દુબે, દીપક રામજીભાઈ યાદવ, અમિત ઉર્ફે બિડી રાકેશ યાદવ, પ્રકાશ ઉર્ફે વિક્કી ફાયરિંગ વિનોદપ્રસાદ સોની અને અભિષેક ઉર્ફે બચ્ચી વિજયબહાદુર યાદવનો સમાવેશ થાય છે. આ તમામ આરોપીઓ વિરુદ્ધ અગાઉ પણ વિવિધ પોલીસ સ્ટેશનમાં ગુનાઓ નોંધાયેલા છે, જ્યારે કનૈયા વિશ્વકર્મા હાલ ફરાર છે.

ગોડાદરા પોલીસે આ મામલે ભારતીય ન્યાય સંહિતા અને જી.પી. એક્ટની વિવિધ કલમો હેઠળ ગુનો દાખલ કરીને કાયદેસરની કાર્યવાહી હાથ ધરી છે. આરોપીઓ પાસેથી હથિયારો પણ કબ્જે કરવામાં આવ્યા છે. પોલીસની આ પ્રશંસનીય કામગીરીથી વિસ્તારમાં શાંતિ જળવાઈ રહી છે અને ગુનેગારોમાં ફફડાટ વ્યાપી ગયો છે.

આ સફળ કામગીરીમાં પોલીસ ઈન્સ્પેક્ટર એચ. એસ. આચાર્ય તથા તેમની ટીમ જે. એસ. રામાનંદી, દેવરામભાઈ રાસંગભાઈ, હરવિજયસિંહ અનિરુદ્ધસિંહ, યોગેશભાઈ નરશીભાઈ, સંદીપભાઈ મછીન્દ્રભાઈ, વિશાલભાઈ જીણાભાઈ અને અજીતસિંહ બાબુજીએ મહત્વની ભૂમિકા ભજવી હતી.

#icmnews