*📍અમદાવાદ ટ્રાફિક પોલીસમાં ‘પ્રમાણ’ એપ્લિકેશનનો અમલ: ૧ જાન્યુઆરીથી હાજરી અને ફરજનું સંચાલન ડિજિટલ બનશે*

*📍અમદાવાદ ટ્રાફિક પોલીસમાં ‘પ્રમાણ’ એપ્લિકેશનનો અમલ: ૧ જાન્યુઆરીથી હાજરી અને ફરજનું સંચાલન ડિજિટલ બનશે*

મનિષ કંસારા

*અમદાવાદ:* અમદાવાદ શહેર પોલીસ દ્વારા ટેકનોલોજીના માધ્યમથી વહીવટી પારદર્શિતા લાવવા માટે ‘પ્રમાણ’ (PRAMAAN) નામની નવી સોફ્ટવેર એપ્લિકેશન લોન્ચ કરવામાં આવી છે. પોલીસ કમિશનર જી.એસ. મલીક દ્વારા લેવામાં આવેલા આ નિર્ણય મુજબ, આગામી ૧ જાન્યુઆરી ૨૦૨૬ થી શહેરનાં તમામ ૧૪ ટ્રાફિક પોલીસ સ્ટેશનોમાં આ સિસ્ટમ કાર્યરત કરી દેવામાં આવશે.

દરેક પોલીસ કર્મચારી પોતાના માત્ર એક જ અધિકૃત મોબાઈલ ડિવાઇસ અને રજિસ્ટર્ડ નંબર પરથી લોગિન કરી શકશે. આનાથી કર્મચારીની ઓળખ અને હાજરીની સચોટતા જળવાશે.

આ એપ્લિકેશનમાં ફેક (Fake) કે મોક (Mock) જીપીએસનો ઉપયોગ અટકાવવા માટે ખાસ સિક્યોરિટી ફીચર્સ મૂકવામાં આવ્યા છે. પરિણામે, કર્મચારીએ ફરજના સ્થળે હાજર રહીને જ ‘ચેક-ઇન’ અને ‘ચેક-આઉટ’ કરવાનું રહેશે.

કર્મચારીઓની દૈનિક અને માસિક શિફ્ટનું આયોજન તેમજ ફરજની ફાળવણી હવે આ સોફ્ટવેર દ્વારા જ કરવામાં આવશે.

આ નવીન સિસ્ટમના લોન્ચિંગ પ્રસંગે અમદાવાદ શહેરનાં અન્ય ઉચ્ચ પોલીસ અધિકારીઓ પણ ઉપસ્થિત રહ્યા હતાં. આ ડિજિટલ પહેલથી ટ્રાફિક વિભાગનાં રોલ-કોલ અને મેનેજમેન્ટમાં વધુ શિસ્ત અને ચોકસાઈ આવવાની અપેક્ષા છે.

#indiacrime