*દુર્ગાષ્ટમી વિશેષ – આદ્યશક્તિ સ્તુતિ*
ઓ માઁ શક્તિ સ્વરૂપા, તું જ સર્વ જગતની માતા,
બ્રહ્માણી, વૈષ્ણવી, મહેશ્વરી, તું જ આદ્યશક્તિ દાતા.
આજે દુર્ગાષ્ટમીના શુભ પર્વે, તારા ચરણે શીશ નમાવ્યે,
અસુર સંહારી, દુઃખ નિવારિણી, તારા ગુણલાં ગાવ્યે.
તું શૈલપુત્રી ને બ્રહ્મચારિણી, ચંદ્રઘંટા શોભે ભાલ,
કૂષ્માંડાથી જ જગત રચાયું, દે છે સૌને તે સંભાળ.
સ્કંદમાતાનું વાત્સલ્ય તારું, કાત્યાયની નું રૂપ મહાન,
કાલરાત્રિ ભય હરનારી, દે છે જગતને તું જ્ઞાન.
મહાગૌરીનું તેજ પવિત્ર, સિદ્ધિદાત્રી સર્વ સુખની ખાન,
અન્નપૂર્ણા, ધનલક્ષ્મી, તું જ જગની છે ઓળખાણ.
તું જ મહિષાસુરમર્દિની, તું જ ચંડ-મુંડ હણનારી,
રણચંડી રૂપ ધરીને, શત્રુઓના ગર્વને ઉતારનારી.
અજ્ઞાન તિમિર હરો માઁ, જ્ઞાનનો દીપ પ્રગટાવો,
આપજો શક્તિ ને ભક્તિ, સદા શુભ કર્મો કરાવો.
સર્વ મંગલ મંગલ્યે, શિવે સર્વાર્થ સાધિકે,
શરણે તુજને અમે આવ્યાં, રક્ષા કર માઁ ભયમુક્ત કે.
જય માઁ દુર્ગે! જય માઁ કાળી!
જય આદ્યશક્તિ, જય મહામાયા
*~✍️ મનિષ કંસારા*
