ભરૂચ: ભરૂચ જિલ્લા પોલીસ અધિક્ષક અક્ષયરાજ મકવાણા અને પોલીસ મહાનિરીક્ષક સંદીપ સિંહ, વડોદરા રેન્જની સૂચના મુજબ, જિલ્લામાં અને જિલ્લા બહારનાં નાસતા ફરતા વોન્ટેડ આરોપીઓને પકડવા માટે ખાસ ઝુંબેશ ચલાવવામાં આવી રહી છે. આ ઝુંબેશના ભાગરૂપે, દહેજ પોલીસે પ્રોહિબિશનના ગુનામાં નાસતા ફરતા એક આરોપીને ઝડપી પાડવામાં સફળતા મેળવી છે.
દહેજ પોલીસ સ્ટેશનના પોલીસ ઇન્સ્પેક્ટર એચ. બી. ઝાલા નાં માર્ગદર્શન હેઠળ, દહેજ પોલીસ ટીમે બાતમીનાં આધારે કાર્યવાહી કરીને, દહેજ પોલીસ સ્ટેશન પાર્ટ સી ગુ.ર.નં. ૮૭૦/૨૦૨૫ના ગુનામાં વોન્ટેડ આરોપી તખતસંગ રતનસંગ પઢીયાર (ઉં.વ. ૩૩, રહે. ઝાડેશ્વર, ભરૂચ) ને ઝડપી પાડ્યો છે.
આરોપી તખતસંગ પર ગેરકાયદેસર રીતે ભારતીય બનાવટનો વિદેશી દારૂ (Seagram’s Royal Stag Classic Whisky) વેચવાનો આરોપ છે. તેણે દીપૂ સિંહ તોમરને આ દારૂ આપ્યો હતો. પોલીસે દીપૂ સિંહને દારૂની ૭૫૦ મિ.લી.ની કુલ ૪ બોટલ (કિંમત ₹૨,૬૯૨/-) સાથે ઝડપી પાડ્યો હતો. દીપૂ સિંહની પૂછપરછમાં તેણે આ દારૂ તખતસંગ પાસેથી લીધો હોવાનું જણાવ્યું હતું. ત્યારથી તખતસંગ ફરાર હતો.
આરોપીને પકડવા માટેની આ સફળ કામગીરી બદલ પોલીસ ઇન્સ્પેક્ટર એચ. બી. ઝાલા તથા અ.હે.કો. સુરેશભાઈ કેશુભાઈ, પો.કો. સેતાનસિંહ દલપતસિંહ, પો.કો. અરવિંદકુમાર હિંમતરામ, પો.કો. જીતેશકુમાર સમીરભાઈ, અને પો.કો. પરેશભાઈ પરબતભાઈની ટીમને બિરદાવવામાં આવી છે. આ ટીમે સુચારુ અને અસરકારક ટીમ વર્ક નું ઉત્કૃષ્ટ ઉદાહરણ પૂરું પાડ્યું છે.
