*📍દિવેર મઢી નર્મદામાં ભરૂચના બે ડૂબ્યા, શોધખોળ જારી*

*📍દિવેર મઢી નર્મદામાં ભરૂચના બે ડૂબ્યા, શોધખોળ જારી*

શિનોર :શિનોર તાલુકાનાં દિવેર ગામ પાસે મઢી નર્મદા નદીમાં ભરૂચ જિલ્લાનાં 22 સહેલાણીઓ ઉનાળામાં નદીમાં ન્હાવા આવેલા તે પૈકી એક યુવક અને એક કિશોર મળી કુલ બે વ્યક્તિઓ નર્મદા નદીનાં પાણીનાં વહેણમાં તણાઈ ગયા હતા. બનાવની શિનોર પોલીસને જાણ થતા દિવેર નર્મદા કિનારે ન્હાવા આવેલા મોટી સંખ્યામાં આવેલા લોકોને નદીમાંથી બહાર આવી જવાનાં આદેશ આપી કરજણથી ફાયર બ્રિગેડને બોલાવી લાપત્તા થયેલા બેની શોધખોળ શરૂ કરી છે…

શિનોર તાલુકાનાં દિવેર ગામ પાસે મઢીનો નર્મદા નદીનો કિનારો ઉનાળામાં ગરમીથી રાહત મેળવવા ન્હાવા માટે આકર્ષણરૂપ બન્યો છે અને ગુજરાતનાં સહેલાણીઓ માટે ગરીબોનાં ગોવા તરીકે જાણીતું થયું છે. હાલ દરરોજ મોટી સંખ્યામાં લોકો અહીં ઉનાળો હોવાથી ન્હાવા માટે આવતા હોય છે. ત્યારે ગતરોજ સવારે 11 વાગ્યે ભરૂચ જિલ્લાનાં અંક્લેશ્વર તાલુકાનાં અને ભરૂચ નજીકનાં પાંચ મોટરસાયકલ અને રીક્ષાઓ લઈને નજીકનાં સગા સંબંધીઓ મળી કુલ 22 સહેલાણીઓ દિવેર નજીકનાં મઢી નર્મદામાં ન્હાવાનો આનંદ લેવા આવ્યા હતા. બપોરનાં એકાદ વાગે 22 જેટલા સગા સંબંધીઓ ન્હાવાનો આનંદ માણતા હતા. તે સમયે પરિમલ રમેશભાઈ પટેલ ઉંમર વર્ષ 31 રહેવાસી માંડવા તાલુકો અંક્લેશ્વર જિલ્લો ભરૂચ અને તેમની નજીક ન્હાતા યશકુમાર રાકેશભાઈ પટેલ ઉંમર વર્ષ 16 રહેવાસી મકતમપુર તા.જિ. ભરૂચનાઓ એકાએક નર્મદા નદીનાં ધસમસતા પાણીનાં પ્રવાહમાં તણાતા બૂમાબૂમ થઈ ગઈ હતી. પણ જોત જોતા માં નર્મદાનાં પાણીનાં વહેણમાં બન્ને લાપત્તા થઈ ગયા હતા. બનાવની જાણ તરત શિનોર પોલીસને કરતા ઘટના સ્થળે દોડી આવેલી શિનોર પોલીસે નર્મદા નદીમાં મોટી સંખ્યામાં ન્હાતા સહેલાણીઓને બહાર નીકળી જવાનાં આદેશો કરી કરજણ નગરપાલિકાનાં ફાયર બ્રિગેડને બોલાવી પાણી માં તણાઈ લાપત્તા બનેલાની શોધખોળ ફાયર બ્રિગેડ દ્વારા શરૂ કરવામાં આવી છે…