Women’s international day. નું અઠવાડિયું શુરુ થઇ ગયું છે.. સ્ત્રી એક છે પરંતુ તેના રૂપ ઘણા છે.આજ થી 8 માર્ચ (અઠવાડિયા)સુધી આપણે મારી કલમ અને કલ્પનાના સથવારે સ્ત્રી સશક્તિકરણ લગતી કવિતાઓનો આસ્વાદ કરીશુ.. આજે માણો ભાગ- 5 ગૃહિણી વિશેષ. ગૃહિણી ની લાગણીઓ..ગૃહિણીની કલમે..
ઘરની એક માત્ર વ્યક્તિ જેનું ઋણી આખું ઘર હોય એટલે ગૃહિણી બાકી બીજા માટે ફરજ બજાવતું સાધન,
કબ્બડી રમતા હાથ પગની વેદના સમજી શકનાર માટે ગૃહિણી બાકી બીજા માટે કામ કરવાનું મશીન,
પ્રેમ, લાગણી અને અંતરની ઈચ્છાઓ સમજી શકનાર માટે ગૃહિણી બાકી બીજા માટે ફરિયાદી,
આંખોના સાચા આસું સમજી શકનાર માટે ગૃહિણી બાકી બીજા માટે આસુંઓ સતત વહેતો દરિયો,
શારીરિક ઈચ્છાઓ, માનસિક ઈચ્છાઓ,પ્રસુતિની પીડા, અધૂરા સપના, અભિલાષાઓ ને સમજી શકનાર માટે ગૃહિણી બાકી બીજા માટે ફક્ત પરંપરા,
જો ગૃહિણી શબ્દને સાચા અર્થ માં સમજી શકતા હોવ તો જ આ શબ્દને બોલજો. બાકી બોલવા માટે શબ્દોની ખોટ નથી…
સુચિતા ભટ્ટ”કલ્પનાના સૂર”
અમદાવાદ.
કલમ અને કલ્પનાના સથવારે સ્ત્રી સશક્તિકરણ લગતી કવિતાઓનો આસ્વાદ કરીશુ.. આજે માણો ગૃહિણી વિશેષ. ગૃહિણીની લાગણીઓ.ગૃહિણીની કલમે. – સુચિતાં ભટ્ટ.
