સેવાસેતુ કાર્યક્રમ શહેરી તબક્કો-૮
૦૦૦૦
વોર્ડ નં.૧૦ના નાગરિકોએ ભુજ સેવા સેતુ કાર્યક્રમનો બહોળી સંખ્યામાં લાભ લીધો
૦૦૦૦
ટાઉનહોલ ખાતે આયોજિત કાર્યક્રમમાં ૧૩ વિભાગોની વિવિધ ૫૬ પ્રકારની સેવા આપવામાં આવી
૦૦૦૦
ભુજ, શનિવાર :
સરકારશ્રીના ૧૩ વિભાગોની વિવિધ ૫૬ પ્રકારની સેવાઓ નાગરિકોને એક જ સ્થળે મળી રહે તે માટે ભુજ નગરપાલિકા ખાતે શહેરી તબક્કો- ૮ના બીજા ચરણનો સેવાસેતુ કાર્યક્રમ ટાઉનહોલ ખાતે યોજાયો હતો. જેમાં વોર્ડ. ૧૦ના નાગરિકોએ બહોળી સંખ્યામાં લાભ લીધો હતો.
કાર્યક્રમનું દિપપ્રાગ્ટ્ય કરતા નગરસેવક મનુભા જાડેજાએ જણાવ્યું હતું કે, ૧૩ વિભાગોની ૫૬ સેવા એક જ સ્થળે મળતી હોવાથી લોકોને ફાયદો થયો છે. સવારે ૯ થી બપોરના ૨ કલાક સુધી યોજાયેલા કાર્યક્રમમાં અરજદારોની વ્યકિતગત અરજીઓનો સ્થળ પર જ વિવિધ કચેરીઓ દ્વારા નિકાલ કરવામાં આવ્યો હતો. આધારકાર્ડ, હેલ્થ વેલનેશ કાર્ડ, નવા વીજજોડાણ, ગુમાસ્તાધારા, રાશનકાર્ડ, જાતિ પ્રમાણપત્ર, વિધવા સહાય, જન્મ- મરણના દાખલા, આવકનો દાખલો, પ્રધાનમંત્રી જીવન જયોતિ યોજના, સુકન્યા સમૃદ્ધિ યોજના, અટલ પેન્શન યોજના, કુંવરબાઇનું મામેરૂ સહાય યોજના સહિતની વિવિધ સેવાનો લાભ લાભાર્થીઓએ લીધો હતો.
કાર્યક્રમમાં સંબંધિત વોર્ડના નગરસેવકો, સંબંધિત વિભાગના અધિકારીશ્રીઓ તથા નગરપાલિકાના કર્મચારીઓ હાજર રહ્યા હતા.
જિજ્ઞા વરસાણી.
