*મેઘાલયમાં બે જૂથો વચ્ચે અથડામણ થતા રાજ્યના 6 જિલ્લામાં ઈન્ટરનેટ બંધ*

સીએએને લઈને બે જૂથો વચ્ચે થયેલા ઘર્ષણમાં એક વ્યક્તિનું મોત થયું છે. જેથી હવે શીએલોંગમાં કર્ફ્યુ લગાવી દેવાયો છે. છ જિલ્લામાં ઇન્ટરનેટ સેવા બંધ કરવામાં આવી છે. સીએએને લઈને દેશના ઘણા ભાગોમાં વિરોધ-પ્રદર્શનની સાથે સાથે સમર્થનમાં દેખાવોનો દોર શરૂ થઈ ગયો છે. તાજેતરમાં મેઘાલયમાં ખાસી વિદ્યાર્થી યુનીયન અને બિન-આદિવાસીની વચ્ચે સીએએને લઈને ઘર્ષણ થયું હતું. જેમાં એક વ્યક્તિનું મોત નિપજ્યું હતું. તેથી મેઘાલય પોલીસે સાવચેતીના પગલે શિલ્લોંગ એકત્રીકરણ અને આજુબાજુના વિસ્તારોમાં કર્ફ્યુ લગાવી દીધો છે. રાજ્યના 6 જિલ્લામાં ઈન્ટરનેટ સેવાબંધ કરાઈ છે.