આદિવાસીઓના ખોટા જાતિ પ્રમાણપત્રોની ખરાઈ કરવાના મામલે પણ મનસુખભાઇ વસાવાની લડાઈની આખરે જીત

અનુસૂચિત જનજાતિના જાતિ પ્રમાણપત્રોની ખરાઇ કરવા માટે ગાંધીનગર ખાતે વિભાગીય વિશ્લેષણ કચેરીનો શુભારંભ કરવામાં આવ્યો.

આદિવાસીઓના મુખે રેલાયુ સ્મિત…

આદિવાસીઓના બંધારણીય અધિકારોનું રક્ષણ કરવા માટે રાજ્ય સરકાર હંમેશા પ્રતિબદ્ધ છે. -સાંસદ મનસુખ વસાવા

રાજપીપલા, તા22


છેલ્લા કેટલાક વખતથી સાંસદ મનસુખ વસાવાએ આદિવાસીઓના ખોટા જાતિ પ્રમાણપત્રોનો ગેરલાભ લેતા બિનઆદિવાસીઓના પ્રમાણ
પત્રો રદ કરવા અને આદિવાસી સમાજના પ્રમાણપત્ર ની ખરાઈ જલ્દીથી થાય તે માટે મુખ્ય મન્ત્રી સુધી લેખિત રજુઆત કરી આદિવાસી
ઓની પડખે રહી આદિવાસીઓના પ્રશ્ને સતત લડતા રહ્યા છે. જેમાં મૉટે ભાગે તેમનો વિજય થતો રહ્યો છે.આદિવાસીઓના ખોટા જાતિ પ્રમાણપત્રોની ખરાઈ કરવાના મામલે પણ મનસુખભાઇ વસાવાની જીત થઈ હતી. આખરે મનસુખભાઇ વસાવાની મહેનત રંગ લાવી છે.અનુસૂચિત જનજાતિના જાતિ પ્રમાણપત્રોની ખરાઇ કરવા માટે ગાંધીનગર ખાતે વિભાગીય વિશ્લેષણ કચેરીનો શુભારંભ કરવામાં આવતા આદિવાસીઓના મુખે રેલાયુ સ્મિત રેલાયુ છે.

અત્રે ઉલ્લેખનીય છે કે અનુસૂચિત જનજાતિના પ્રમાણપત્રોની ખરાઇ અંગેનો કાયદો વર્ષ ૨૦૧૭માં પસાર કરીને તેને કાયદાકીય સ્વરૂપ આપીને તેનો ચુસ્ત અમલ શરૂ કરવામાં આવ્યો હતો.

જેમાં રાજ્યના 33 જિલ્લાઓને ચાર ઝોનમાં વહેંચણી કરીને ચાર કચેરીઓ કાર્યરત કરવામાં આવશે. જે પૈકી ગાંધીનગર ખાતે આજે બે કચેરીઓનો શુભારંભ કરાયો છે.
જેમાં કલેકટર કક્ષાના ઉચ્ચ અધિકારીની દેખરેખ હેઠળ આ કાર્યવાહી હાથ ધરવામાં આવશે. આગામી સમયમાં વડોદરા અને સુરત ખાતે આવી બે કચેરીઓ કાર્યરત કરવામાં આવશે.
ગાંધીનગર ખાતે બ્લોક નંબર ૧૩, જુના સચિવાલય અને બિરસા મુંડા ભવન ખાતે કાર્યરત થયેલી આ કચેરીઓમાં બનાસકાંઠા, સાબરકાંઠા, અરવલ્લી, ગાંધીનગર, અમદાવાદ, ભાવનગર, આણંદ, મહેસાણા, પાટણ, જામનગર, સુરેન્દ્રનગર, રાજકોટ, મોરબી, દેવભૂમિ દ્વારકા, જુનાગઢ, ગીર સોમનાથ પોરબંદર અને અમરેલી જિલ્લાનો સમાવેશ કરાયો છે.
જયારે વડોદરા ખાતે કાર્યરત થનાર કચેરીમાં વડોદરા, છોટાઉદેપુર, આણંદ, ખેડા, પંચમહાલ, દાહોદ અને મહીસાગર જિલ્લો તથા
સુરત ખાતેની કચેરીમાં સુરત તાપી, ડાંગ, નવસારી, વલસાડ, ભરૂચ અને નર્મદા જિલ્લાને આવરી લેવાશે. આ શુભારંભ દ્વારા આદિવાસી ભાઈ-બહેનોને જે લાભ અને કાર્ય સરળતા થશે.

સાંસદ મનસુખભાઈ વસાવા ની મુખ્ય મંત્રીને લેખિત રજૂઆત ના કારણે આદિવાસી સમાજના પ્રમાણપત્ર ની ખરાઈ જલ્દીથી થાય માટે આ નિર્ણય લેવાયો છે. આ નિર્ણયને સૌ આદિવાસીઓ આવકારી રહ્યા છે અને આભારની લાગણી વ્યક્ત કરી રહ્યા છે.ભરૂચ નર્મદાના આદિવાસીઓ મા આનંદની લાગણી પ્રસરી છે.

તસવીર :જ્યોતિ જગતાપ, રાજપીપલા