*રાજકોટ સોની વેપારીને લૂંટવાનો પ્લાન પોલીસે નિષ્ફળ બનાવ્યો, બે લોકોની ધરપકડ*
Rajkot Police: પોલીસને બાતમી મળી હતી કે હકો લાંબરીયા અને કનકસિંહ ચોહાણ સોની બજાર રૈયાનાકા ટાવર મેઇન રોડ પર ગીરધરલાલ હડાળાવાળાની દૂકાને લૂંટ કરવાની પૂરી તૈયારી સાથે આવ્યા છે.
*રાજકોટ* શહેરના રૈયાનાકા મુખ્ય રસ્તા પર સોની બજાર (Rajkot gold market)માં આવેલી ગીરધરલાલ હીરાલાલ હડાળાવાળાની પેઢીમાં ત્રાટકી લૂંટ (Loot) ચલાવવાની ઘટનાને બે શખ્સો અંજામ આપે તે પહેલા એ-ડિવિઝન પોલીસે (Rajkot A-Division Police) બંનેને ઝડપી લઈને કાવતરું નિષ્ફળ બનાવી દીધું છે. એ-ડિવિઝનના હેડ કોન્સ્ટેબલ હારૂનભાઇ ચાનીયાની ફરિયાદ પરથી હકા ગોકળભાઇ લાંબરીયા તથા તેના મિત્ર વિક્રમભાઇના મકાનમાં ભાડેથી રહેતા શખ્સ સામે આઇપીસી ૩૯૩, ૧૨૦ (બી), ૩૭ (૧) ૧૩૫ મુજબ ગુનો નોંધી ધરપકડ કરી છે.
પોલીસે તેની પાસેથી લોખંડની બે ધારદાર તણી, એક છરી, રિવોલ્વર જેવી એરગન, 100 ગ્રામ જેટલી મરચાની ભૂકી, ખાખી રંગની શેલો ટેપ, બે જાડી હાથમોજા તેમજ સીએનજી રિક્ષા અને બાઇક કબ્જે કરવામાં કર્યું છે. પોલીસને બાતમી મળી હતી કે હકો લાંબરીયા અને કનકસિંહ ચોહાણ સોની બજાર રૈયાનાકા ટાવર મેઇન રોડ પર ગીરધરલાલ હડાળાવાળાની દૂકાને લૂંટ કરવાની પૂરી તૈયારી સાથે આવ્યા છે.
