રાજપીપળાની મહિલાની મરજી વિરુદ્ધ બળાત્કાર ગુનાની પોલીસ ફરિયાદ.

રાજપીપળાની મહિલાની મરજી વિરુદ્ધ બળાત્કાર ગુનાની પોલીસ ફરિયાદ.
રાજપીપળા એસ.ટી.ડેપોમાં કંડકટર તરીકે ફરજ બજાવતા આરોપી સામે બળાત્કાર ગુનાની ફરિયાદથી ચકચાર.
રાજપીપળા, તા.21
રાજપીપળા એસ.ટી.ડેપોમાં કંડકટર તરીકે ફરજ બજાવતા આરોપી તેનાજ જ્ઞાતિની મહિલા સાથે સગાઈ થયા પછી મરજી વિરુદ્ધ અવાર નવાર શરીર સંબંધ બાંધી બળાત્કાર ગુજારતા મહિલાએ આરોપી સામે બળાત્કાર ગુનાની ફરિયાદ રાજપીપળા પોલીસ મથકે નોંધાવતા ચકચાર મચી જવા પામી છે.
જેમાં ફરિયાદી ભોગ બનનાર મહિલાએ આરોપી રાજેશભાઈ પર્વતભાઈ પટેલીયા (રહે, ગોઠીબાડા, પટેલીયા ફળિયા તા.સંતરામપુર જી.મહીસાગર) સામે બળાત્કારની ફરિયાદ નોંધાવી છે.
ફરિયાદની વિગત મુજબ ફરિયાદી બેન તથા આરોપી રાજેશભાઈ બંને જણા રાજપીપળા એસટી ડેપોમા કંડકટર તરીકે ફરજ બજાવતા હતા અને 2019 ના મે મહિનામાં બંને જણાની તેઓની જ્ઞાતિની રીત રિવાજ મુજબ સગાઈ થયેલ હતી. સગાઈ થયા બાદ આ બન્ને રાજપુત ફળિયા માં અલગ અલગ મકાન ભાડેથી રહેતા હતા. આરોપી રાજેશભાઈ ફરિયાદીના ઘરે અવારનવાર મળવા જતો અને જ્યારે ફરિયાદી બેન સાથે રહેતી બહેનો ઘરે હાજર ન હોય તે વખતે તેની ને પોતાની સાથે લગ્ન કરવાનું જણાવી અવારનવાર શરીર સંબંધ બાંધ્યો હતો.અને સગાઈ થયા ના છ મહિના પછી રાજેશના પિતાજી પર્વતભાઈ દ્વારા ફરિયાદી મહિલા સાથે રાજેશની સગાઈ તોડવાની વાત કરી હતી.અને તેની સાથે લગ્નની ના પાડેલી તેમ છતાં પણ આરોપી રાજેશભાઈ તેના રૂમ ઉપર જઈને હું મારા પિતાજી ને સમજાવી લઈશ અને હું લગ્ન કરીશ તો તારા સાથે જ કરીશ.તેમ કહી છેલ્લે દિવાળી સુધી શરીર સંબંધ બંધાયેલો. ભોગ બનનાર મહિલાએ શરીર સંબંધ બાંધવાનીના પાડવા છતાં રાજેશભાઈ ધમકી આપી મારઝૂડ કરતો હતો.છેલ્લે તા.14/ 11/ 20ના રોજ રાત્રીના 10 શરીર સંબંધ બાંધવાનો પ્રયત્ન કરવા લાગતા ફરિયાદી મહિલાએ ના પાડી ફૂટવાનો પ્રયત્ન કરતા આરોપી દ્વારા જાનથી મારી નાખવાની ધમકી આપી તેની મરજી વિરુદ્ધ શરીર સંબંધ બાંધી બળાત્કાર કરી ગુનો કરતાં રાજપીપળા પોલીસે આરોપી સામે કાયદેસરની કાર્યવાહી હાથ ધરી છે.
રિપોર્ટ : જ્યોતિ જગતાપ, રાજપીપળા