તા.૨૫ મી એ ટી.વીના માધ્યમથી વંદે ગુજરાત ચેનલ-૧ પર અને મોબાઇલના માધ્યમથી જીઓ એપ મારફતે વંદે ગુજરાત ચેનલ-૧ પર કિશોરીઓ માટે યોગ અને વેસ્ટમાથી બેસ્ટ વિષય પર કાર્યક્રમ રજૂ થશે.

રાજપીપલા, તા. 24
રાજ્યના મહિલા અને બાળ વિકાસ વિભાગ અંતર્ગત આઈસીડીએસની અનોખી પહેલ સંદર્ભે તા. ૨૫ મી ઓગસ્ટ, ૨૦૨૦ ને મંગળવારના રોજ બપોરે ૨ થી ૩ કલાકે ટી.વીના માધ્યમથી વંદે ગુજરાત ચેનલ-૧ પર અને મોબાઇલના માધ્યમથી જીઓ એપ મારફતે વંદે ગુજરાત ચેનલ-૧ પર તેમજ ફેસબુક ડબ્લ્યુસીડી ગુજરાત પેજ પર કિશોરીઓ માટે યોગ અને વેસ્ટમાથી બેસ્ટ વિષય પર માર્ગદર્શન પૂરું પાડવામાં આવનાર છે. દરેકને આ કાર્યક્રમનું જીવંત પ્રસારણ અચૂક નિહાળવા તેમજ જે દર્શક મિત્રો આ કાર્યક્રમના જીવંત પ્રસારણનો લાભ ન લઈ શક્યા હોય તેઓ ડબ્લ્યુસીડી ગુજરાતની યુ ટ્યુબ ચેનલ પરથી કાર્યક્રમ નિહાળી શકશે તેમ, જિલ્લા આઈસીડીએસ વિભાગના પ્રોગ્રામ ઓફીસર કિષ્નાકુમારી પટેલ રાજપીપલા તરફથી જણાવાયું છે.
રિપોર્ટ : જ્યોતિ જગતાપ, રાજપીપળા