રાજપીપલા નગરપાલીકામાં વાહન વ્યવહાર ખાતાના કર્મચારીઓને ચાર માસનો પગાર મલ્યો નથી !

નગરપાલિકા સત્તાધીશોને 3 દિવસનુ અલ્ટીમેટમ.
3 દિવસમા માંગણીઓ નહી સ્વીકારાય તો આંદોલનની ચીમકી.
રાજપીપલા,તા.29
રાજપીપલા નગરપાલીકામાં વાહન વ્યવહાર ખાતા માં તેમજ વિવિધ શાખામાં ફરજ બજાવતા કર્મચારીઓએ નગરપાલિકાના પ્રમુખ અને ચીફ ઓફિસરને તેમના પગાર અને અન્ય પ્રશ્ને લેખિત આવેદન આપ્યુ હતુ.
આવેદનમા જણાવ્યુ છે કે ધણા સમયથી કોરોના રોગ સામે જીવ જોખમમાં મુકી ફરજ બજાવેલ હોય તે સમયગાળાનો પુરો પગાર મળવો જોઇએ. કુલ ચાર મહિનાનો પગાર બાકી છે.જે બાકી પગાર આપવાની રજૂઆત કરી હતી.
એ ઉપરાંત વર્ષોથી નોકરી કરતાં કર્મચારીઓને કાયમીના હકક મળ્યા નથી . એ ઉપરાંત લઘુતમ વેતન હેઠળ પગાર ઉપરાંત આઠ કલાકથી વધુ સમય નોકરી કરે તો ઓવરટાઈમ આપવા રજૂઆત કરી હતી.આ પ્રશ્નોનો સત્વરે ઉકેલ લાવવા રજૂઆત કરતા જણાવ્યુ છે કે જો કર્મચારીઓના પ્રશ્નનોનું નિરાકરણ 03 દિવસમા નહી આવે તો ગાંધીચિંધ્યા માર્ગે આંદોલન કરવાની ચીમકી આપી હતી.આ અંગે કલેકટર, પ્રાંત અધિકારી તથા ગાંધીનગર નગરપાલિકા નિયામકને પણ રજૂઆત પણ કરાઈ હતી.
તસવીર : જ્યોતિ જગતાપ, રાજપીપલા