*📍સુરત AMNS કંપનીમાં થયેલી હિંસા મામલે પોલીસ એક્શનમાં, 46થી વધુ અટકાયત; હજીરામાં ચુસ્ત પોલીસ બંદોબસ્ત*

*📍સુરત AMNS કંપનીમાં થયેલી હિંસા મામલે પોલીસ એક્શનમાં, 46થી વધુ અટકાયત; હજીરામાં ચુસ્ત પોલીસ બંદોબસ્ત*

મનિષ કંસારા

*સુરત:* હજીરા પોલીસ દ્વારા કડક કાર્યવાહી સુરતનાં હજીરા વિસ્તારમાં આવેલી AMNS કંપનીમાં બનેલી અપ્રિય ઘટનાને પગલે પોલીસ તંત્ર હરકતમાં આવ્યું છે. હજીરા પોલીસ સ્ટેશનમાં આ મામલે ભારતીય ન્યાય સંહિતા (BNS) ની કલમ 109 મુજબ ગુનો દાખલ કરવાની પ્રક્રિયા હાથ ધરવામાં આવી છે. કાયદો અને વ્યવસ્થા જાળવી રાખવા માટે પોલીસ દ્વારા પ્રાથમિક તપાસ તેજ કરી દેવામાં આવી છે અને જવાબદારો સામે કડક કાયદાકીય પગલાં ભરવાની તૈયારીઓ પૂર્ણ કરી લેવાઈ છે.

ઘટનાની ગંભીરતાને ધ્યાને લેતા માત્ર સ્થાનિક પોલીસ જ નહીં, પરંતુ સુરત ક્રાઇમ બ્રાન્ચ અને SOG (સ્પેશિયલ ઓપરેશન ગ્રુપ) ની ટીમો પણ સ્થળ પર તૈનાત કરી દેવામાં આવી છે. સમગ્ર વિસ્તારમાં હાલ પૂરતો પોલીસ બંદોબસ્ત ગોઠવી દેવાયો છે, જેથી કોઈ અનિચ્છનીય બનાવ ફરી ન બને. ઉચ્ચ અધિકારીઓનાં માર્ગદર્શન હેઠળ પોલીસની વિવિધ ટીમો દ્વારા સતત પેટ્રોલિંગ કરીને સુરક્ષા વ્યવસ્થાનું નિરીક્ષણ કરવામાં આવી રહ્યું છે.

આ હિંસક ઘટનામાં સંડોવાયેલા તત્વો સામે કાર્યવાહી કરતા પોલીસે અત્યાર સુધીમાં 46થી વધુ આરોપીઓને રાઉન્ડ અપ કર્યા છે. હજુ પણ અન્ય સંડોવાયેલા શખ્સોની ઓળખ કરવા માટે સીસીટીવી ફૂટેજ અને અન્ય પુરાવાઓની તપાસ ચાલી રહી છે. બાકીનાં આરોપીઓને ઝડપી પાડવા માટે પોલીસની વિવિધ ટીમો દ્વારા વિસ્તારમાં સઘન કોમ્બિંગ ઓપરેશન શરૂ કરવામાં આવ્યું છે, જેનો ઉદ્દેશ્ય તમામ દોષિતોને વહેલી તકે જેલનાં સળિયા પાછળ ધકેલવાનો છે.

પોલીસની તાત્કાલિક અને કડક કાર્યવાહી બાદ હાલ AMNS કંપની અને તેની આસપાસનાં વિસ્તારમાં સ્થિતિ નિયંત્રણ હેઠળ છે. પોલીસનાં જણાવ્યા અનુસાર, અત્યારે ત્યાં સંપૂર્ણપણે શાંતિનો માહોલ પ્રવર્તી રહ્યો છે. સતત પેટ્રોલિંગ અને પોલીસની હાજરીને કારણે પરિસ્થિતિ થાળે પડી છે, છતાં સાવચેતીનાં ભાગરૂપે પોલીસ દ્વારા હજુ પણ બાજ નજર રાખવામાં આવી રહી છે.

#news #icmnews