*📍ભરૂચના નીતિન ટેલર ગાંધીનગરના ‘અર્થ સમિટ’માં પેનલિસ્ટ તરીકે ચમક્યા*

*📍ભરૂચના નીતિન ટેલર ગાંધીનગરના ‘અર્થ સમિટ’માં પેનલિસ્ટ તરીકે ચમક્યા*

🔸ગ્રામીણ નવીનતા અને ‘Serve Happiness’ના સંદેશને વૈશ્વિક મંચ પર રજૂ કરશે ભરૂચનો યુવાન

મનિષ કંસારા

*ગાંધીનગર:* ભરૂચ સ્થિત ‘Serve Happiness’ ફાઉન્ડેશન નાં પ્રેરણાદાયી યુવા નેતા નીતિન ટેલરને 5 અને 6 ડિસેમ્બરના રોજ ગાંધીનગર ખાતે યોજાનાર પ્રતિષ્ઠિત ‘અર્થ સમિટ’ (Earth Summit)માં પેનલિસ્ટ તરીકે આમંત્રિત કરવામાં આવ્યા છે. આ સમિટ ગ્રામીણ નવીનતાને સશક્ત કરવા, ખેડૂત જૂથો, મહિલા ઉદ્યોગસાહસિકો અને સ્થાનિક સમુદાયો નાં પરિવર્તનકારી ઉકેલોને દર્શાવવા માટેનું એક મુખ્ય પ્લેટફોર્મ છે.

નીતિન ટેલર ‘નર્મદા પ્રેરણા યાત્રા’ની શીખ અને ‘Serve Happiness’ના સંદેશને વૈશ્વિક સ્તરે શેર કરવા માટે ઉત્સુક છે, જે નીતિ, મૂડી, ટેકનોલોજી અને સંસ્કૃતિને એકસાથે લાવીને સકારાત્મક પરિવર્તન લાવવાનો હેતુ ધરાવે છે. તેમણે જણાવ્યું કે સાબરમતીનાં તટ પર તેઓ યુવાનોમાં નવી ઊર્જા અને જાગૃતિનો પ્રકાશ ફેલાવવા માટે નર્મદાની શીખને પહોંચાડશે અને વિશ્વભરનાં ચેન્જમેકરો પાસેથી શીખવા માટે તત્પર છે. તેમનો ધ્યેય સાથે મળીને પૃથ્વીને વધુ ખુશહાલ સ્થાન બનાવવાનો છે.

નીતિન ટેલર, ભરૂચની યુવા પ્રતિભા, જેમને પર્યાવરણ અને સમાજમાં સકારાત્મક પરિવર્તન માટેનાં તેમના પ્રયાસો બદલ આ પ્રતિષ્ઠિત મંચ પર પોતાની વાત રજૂ કરવાની તક મળી છે. ‘નર્મદે હર’ અને ‘જય હિંદ’ના સંદેશ સાથે, તેઓ ખુશીઓ અને પરિવર્તનને વહેતી નદીની જેમ જગતમાં ફેલાવવા માટે પ્રતિબદ્ધ છે.

#icmnews