*📍જામનગર: બેડી વિસ્તારમાં ખ્યાતનામ એડવોકેટ હારુન પાલેજાની છરીના ઘા મારી જાહેરમાં હત્યા*

*📍જામનગર: બેડી વિસ્તારમાં ખ્યાતનામ એડવોકેટ હારુન પાલેજાની છરીના ઘા મારી જાહેરમાં હત્યા*

જામનગરના બેડી વિસ્તારમાં ખ્યાતનામ એડવોકેટ હારુન પાલેજાની છરીના ઘા મારી જાહેરમાં હત્યા કરવામાં આવી છે. એડવોકેટ હારુન પાલેજા કોર્ટથી ઘરે જઈ રહ્યાં હતા ત્યારે માથાભારે શખ્સોએ જાહેરમાં અસંખ્ય છરીના ઘા મારી તેમની હત્યા કરી છે.

લોહીલુહાણ હાલતે એડવોકેટ હારુન પાલેજાને હોસ્પિટલ ખસેડવામાં આવ્યાં હતા, જ્યાં ડોક્ટરે તેમને મૃત જાહેર કર્યા હતા. ઘટનાને પગલે એસપી, ડીવાયએસપી સહિતના ઉચ્ચ અધિકારીઓ હોસ્પિટલે દોડી ગયા હતા.

એડવોકેટ હારુન પાલેજા જામનગરના  ખ્યાતનામ વકીલ હતા તેમજ ઓલ ઇન્ડિયા સુન્ની મુસ્લિમ વાઘેર સમાજના પ્રમુખ હતા. એડવોકેટ હારુન પાલેજાની હત્યાના વકીલ આલમમાં ઘેરા પ્રત્યાઘાત પડયા છે. આ ઘટના બાદ જામનગરમાં વકીલોએ આવતીકાલથી આરોપીઓ ઝડપાઈ નહીં ત્યાં સુધી કોર્ટ કાર્યવાહીથી અળગા રહેવાનો નિર્ણય કર્યો છે.