*📍લો બોલો, મૃતક નગરસેવકને સોંપી PMના કાર્યક્રમની જવાબદારી !*

*📍લો બોલો, મૃતક નગરસેવકને સોંપી PMના કાર્યક્રમની જવાબદારી !*

પાલિકાની કામગીરીનું ઉત્તમ ઉદાહરણ…

ત્રણ દિવસ પહેલાં જેનું અવસાન થયું તેને જ આપી માણસો લાવવાની જવાબદારી

નવસારી નગરપાલિકાની મોટી બેદરકારી સામે આવી છે. હજી ત્રણ દિવસ પૂર્વે જ મૃત્યુ પામેલા નગરસેવકને કામગીરી સોંપતાં ચર્ચાનો વિષય બન્યો છે. ગત તારીખ પાંચ ફેબ્રુઆરીએ નવસારી-વિજલપોર નગરપાલિકાના વોર્ડ નંબર ત્રણનાં નગરસેવક અશ્વિન કાસુન્દ્રનું લાંબી માંદગી બાદ અવસાન થયું હતું, જેમના અંતિમસંસ્કાર પાંચ તારીખે જ નવસારી વિરાવળ ખાતેનાં સ્મશાન ખાતે કરવામાં આવ્યા હતા, પરંતુ નવસારી-વિજલપોર નગરપાલિકા હજી પણ આ નગરસેવકને મૃત ન માનતી હોય એવો ઘાટ ઘડાયો છે. આગામી 10મી તારીખે વડાપ્રધાન નરેન્દ્ર મોદીનો વર્ચ્યુઅલ કાર્યક્રમ છે, જેમાં દરેક વોર્ડના સ્થાનિક લોકોને લક્ઝરી બસમાં લાવવા-લઈ જવાની જવાબદારી કોર્પોરેટરો અને પાલિકાના કર્મચારીઓને સંયુક્ત રીતે સોંપવામાં આવી છે. એમાં વોર્ડ નંબર ત્રણનાં અવસાન પામેલા નગરસેવક અશ્વિન ગણેશભાઈ કાસુન્દ્રાનું નામ પણ લિસ્ટમાં સામેલ કરવામાં આવ્યું છે, જે ચર્ચાનો વિષય બન્યું છે.