ગુજરાત: NIAએ ગાંધીધામમાં ગેંગસ્ટર લોરેન્સ બિશ્નોઈના નજીકના સહાયકના પરિસરમાં દરોડા પાડ્યા

કચ્છ (ગુજરાત) [ભારત], 21 ફેબ્રુઆરી : નેશનલ ઇન્વેસ્ટિગેશન એજન્સી (NIA) એ ગાંધીધામમાં ગેંગસ્ટર લોરેન્સ બિશ્નોઈના નજીકના સહાયક કુલવિંદરના ઘર પર દરોડા પાડ્યા હતા.

સૂત્રોના જણાવ્યા અનુસાર, કુલવિંદર બિશ્નોઈનો લાંબા સમયથી સહયોગી રહ્યો છે. બિશ્નોઈ ગેંગના લોકોને આશ્રય આપવાના કેસ પણ તેમની સામે હતા.

NIAના સૂત્રોએ ખુલાસો કર્યો છે કે કુલવિંદર આંતરરાષ્ટ્રીય ડ્રગ સિન્ડિકેટ સાથે પણ જોડાયેલો છે.

ગેંગસ્ટર સિન્ડિકેટ્સ સામેની મોટી કાર્યવાહીમાં, NIAએ મંગળવારે વિવિધ રાજ્યોમાં 70 થી વધુ સ્થળોએ સર્ચ શરૂ કર્યું.

પંજાબ, હરિયાણા, રાજસ્થાન, દિલ્હી, ચંદીગઢ, ઉત્તર પ્રદેશ, ગુજરાત અને મધ્યપ્રદેશમાં સર્ચ કરવામાં આવ્યું હતું. ચાલુ દરોડા NIA દ્વારા ગેંગસ્ટર અને તેમના ગુનાહિત સિન્ડિકેટ વિરુદ્ધ નોંધાયેલા કેસની તપાસના સંદર્ભમાં છે. ગેંગસ્ટર નેટવર્ક પર NIAના દરોડાનો આ ચોથો રાઉન્ડ છે.

પંજાબમાં 30થી વધુ સ્થળો પર દરોડા પાડવામાં આવ્યા હતા. હરિયાણામાં NIAએ યમુના નગરના મુંડા માજરા વિસ્તારમાં દરોડા પાડ્યા હતા. આઝાદ નગરમાં સ્થાનિક પોલીસ દળ પણ NIAની ટીમ સાથે હાજર હતું – રીપોર્ટ બાય – મહેશ રાજગોર ભચાઉ