*સુરતમાં માજી મેયર કનુ માવાણી પર આક્ષેપ લગાવી યુવતીએ હાથની નસ કાપી*

સુરત વરાછા વિસ્તારની એક યુવતિએ આત્મહત્યાનો પ્રયાસ કર્યો હતો. આત્મહત્યા કરવા પાછળ તેણે ધારૂકા કોલેજના ટ્રસ્ટી કનુભાઈ માવાણી અને ધારૂકા કોલેજ જવાબદાર હોવા અંગેનો વિડીયો સોશિયલ મીડિયામાં અપલોડ કર્યો હતો ગરીબ બાળકોને ભણાવવાનું કામ કરતી આ યુવતિ એડમિશનની રજૂઆત લઈને ગઈ હતી જ્યાં તેણીને કનુ માવાણીએ અપશબ્દો કહ્યાં હતા એવુ વિડીયોમાં જણાવ્યું હતું. વિડીયોમાં એવું જણાવાયું હતું કે મારા મા-બાપ અને ઘરવાળાને ફોન કરીને ડરાવવામાં આવે છે. ઘટના અંગે મળતી માહિતી અનુસાર 15 દિવસ પહેલા યુવતિ ધારૂકા કોલેજમાં અભ્યાસ કરતી અન્ય યુવતિને લઈને પરીક્ષામાં બેસવા ન દેતા હોવાને કારણે કાપોદ્રા પોલીસ સ્ટેશન પહોંચી હતી.