ગુજરાતી ઓટીટી પ્લેટફોર્મ શેમારૂમી ઉપર વેબ સિરિઝ ‘ષડયંત્ર’ 24 જૂને રિલિઝ થઇ.

ગુજરાતી ઓટીટી પ્લેટફોર્મ શેમારૂમી ઉપર વેબ સિરિઝ ‘ષડયંત્ર’ 24 જૂને રિલિઝ થઇ.

અપરા મહેતા, રોહિણી હટંગડી, વંદના પાઠક, શ્રીનુ પરીખ, વિશાલ ગાંધી, પરિક્ષિત તમાલીયા, અનુરાગ પ્રપન્ન, દીપક ઘીવાલા અને ફિરોઝ ભગત જેવાં દિગ્ગજ કલાકારો ધરાવતી આ વેબ સિરિઝમાં કામ કરવાના પોતાના અનુભવ વ્યક્ત કરતાં અપરા મહેતાએ જણાવ્યું હતું કે, “આ ખૂબજ સારો ગુજરાતી પ્રોજેક્ટ છે. હું લાંબા સમયથી એક સારા, ક્લાસીકલ અને મારી ભૂમિકાને ન્યાય આપી શકું તેવા રોલની રાહ જોઇ રહી હતી. મારા માટે ષડયંત્ર ચોક્કસ પણે યોગ્ય પ્રોજેક્ટ સાબિત થયો છે.”
રોહિણી હટંગડી સિરિઝમાં પોતાના પાત્ર જણાવ્યું હતું કે, “હું ‘ષડ્યંત્ર’ વેબ સિરીઝનો ભાગ બનીને ખુબ જ આનંદની લાગણી અનુભવી રહી છું અને ખુશ છું કે શેમારૂમીએ આ પ્રભાવશાળી વેબ સિરીઝ ગુજરાતી ઇન્ડસ્ટ્રીને આપવાનું નક્કી કર્યું. મેં મારી કરિયરમાં બહુ બધા પાત્રો ભજવ્યા છે પરંતુ વાસંતીબેનનું પાત્ર મારા હૃદયની ખુબ જ નજીક છે. આ વેબ સિરીઝનું સ્તર એટલું મોટું છે કે અમને એવું લાગ્યું કે અમે કોઈ ફિલ્મનું શૂટ કરી રહ્યા છીએ. મને ખાતરી છે મારા દર્શકો આ વેબ સિરીઝ ચોક્ક્સ પસંદ કરશે.”
આ અંગે દીપક ઘીવાલાએ આનંદની લાગણી સાથે જણાવ્યું હતું કે, વેબ સિરિઝ ષડયંત્ર એ એક મહાત્વાકાંક્ષી પ્રોજેક્ટ છે અને હું આ ફેમિલીનો પાર્ટ બનીને ખુબ ખુશ છું. આ વેબસિરિઝ ષડયંત્ર એટલી રસપ્રદ છે કે એના બધા જ એપિસોડ 24 જૂનના રોજ એક સાથે જોવાનું અમે પસંદ કર્યું. તમે પણ જોવાનું ચૂકશો નહીં.

સિરિઝના પ્લોટની વાત કરીએ તો પન્નાબેન (અપરા મહેતા) છેલ્લા 15 વર્ષથી એક સફળ CM તરીકે ફરજ બજાવી રહ્યાં છે. જે સત્તાના અમુક નેતાઓને ખૂંચે છે. સફળતા અને જીતનો રસ્તો ક્યારેય સરળ નથી હોતો અને આ વેબ સિરીઝમાં ઘણાં ટ્વિસ્ટ અને ટર્ન્સ સાથે મનોરંજન પણ દર્શાવાયું છે. અને આ જ વિષય ‘ષડ્યંત્ર’ ને એક પ્રભાવશાળી પોલિટિકલ ફેમિલી ડ્રામા પણ બનાવે છે જે દર્શકોને ચોક્કસથી ગમશે.