*અમદાવાદની ખાઉગલીએ નામ બદલ્યું હેપ્પી સ્ટ્રીટ*

શહેરના પૉશ વિસ્તાર લો-ગાર્ડનનું સૌથી જૂના માર્ગ પરનું જ ફૂડ બજાર એક નવા જ રંગ અને રુપમાં તૈયાર થઇ ગયું છે. અમદાવાદ હવે હેરિટેજ સિટી છે. જેમાં શહેરની મધ્યમાં માણેકચોકમાં વર્ષોથી રાત્રે ખાણીપીણીનું બજાર ભરાય છે. ગુજરાતના મુખ્યમંત્રી વિજય રૂપાણી આ ખાઉગલી એટલે કે હેપ્પી સ્ટ્રીટનું ઉદઘાટન કરશે.જ્યારે સાબરમતી નદી ઓળંગી પશ્ચિમ વિસ્તારમાં આવો તો વર્ષોથી લૉ ગાર્ડન વિસ્તારમાં ગાર્ડન અને ઠાકોર ભાઇ દેસાઇ હોલની ગલીમાં ફૂટપાથ પર જ ખાણીપીણી બજાર ભરાતું હતું. હમણાં છેલ્લા કેટલાક વર્ષોથી માણેકચોક, લાલ દરવાજા અને લૉ ગાર્ડનના નામે શહેરની બહાર પણ ઘણાં બજારો ખુલી ગયા છે.