*નવસારીમાં વાઝણા ગામે ગીતા રબારીના ડાયરામાં ડોલરનો વરસાદ*

નવસારી જિલ્લાના ચીખલી તાલુકાના વાઝણા ગામે મેલડી માતાના મંદિરના વિકાસ માટે ડાયરો યોજાયો હતો. જેમાં લોકગાયિકા ગીતા રબારી હાજર રહી હતી. ગીતા રબારીના ગીતો પર 10 રૂપિયાથી લઈને 2 હજાર રૂપિયા સુધીની નોટો ઉડી હતી. આ ડાયરામાં એન.આર.આઈ પણ હાજર રહ્યા હતા. જેમણે ડોલરોનો વરસાદ કરી દીધો હતો. આ ડાયરામાં 10 હજારથી વધુ લોકો હાજર રહ્યા હતા. મેલડી માતાના મંદિરના વિકાસ માટે યોજાયેલા ડાયરામાં અંદાજે 20 લાખ જેટલુ દાન આવ્યું હતું.