*ગાંજા અને ચરસ સાથે 2 લોકોની ધરપકડ કરતી એન્ટી નાર્કોટિક્સ ટાસ્ક ફોર્સ, સીઆઇડી ક્રાઈમ વડોદરા*
વડોદરા, સંજીવ રાજપૂત, હિન્દુસ્તાન કી એકતા દૈનિક, સુરત: એબીએનએસ: હાલના યુવાધનને નશાના રવાડે ચઢાવવાના પ્રયાસો નશા માફિયાઓ દ્વારા કરવામાં આવી રહ્યા છે ત્યારે ગુજરાત પોલીસ પણ આવા માફિયાઓના ગેરકાયદેસર કૃત્યોને ડામવા કટિબદ્ધ છે. આવા જ એક નશાના કારોબરનો એન્ટી નાર્કોટિક્સ ટાસ્ક ફોર્સ, વડોદરા ઝોન, સી.આઈ.ડી. ક્રાઈમ દ્વારા પર્દાફાશ કરી 2 લોકોની ધરપકડ કરી છે.
વાત કરીએ તો A.N.T.F. વડોદરા ઝોનની ગેરકાયદેસર ગાંજો તથા ચરસના વેંચાણ સામે અંકલેશ્વર જી.આઈ.ડી.સી. પો.સ્ટે., ભરૂચ વિસ્તારમાં સફળ કાર્યવાહી કરવામાં આવી છે. એન્ટી નાર્કોટિક્સ ટાસ્ક ફોર્સ, વડોદરા ઝોન, સી.આઈ.ડી. ક્રાઈમ દ્વારા તા. ૧૨/૦૫/૨૦૨૬ ના રોજ અંકલેશ્વર કાપોદરા રોડ તથા અંસાર માર્કેટ નજીક આવેલ નેશનલ હાઈવે નં.૪૮ ઉપર આવેલ પબ્લિક વોકીંગ ફ્લાય ઓવરની આસપાસમાં કરવામાં આવી હતી.
પોલીસ અધિક્ષક લોકેશ યાદવની સૂચનાના અનુસંધાને એ.એન.ટી.એફ. વડોદરા ઝોનના નાયબ પોલીસ અધિક્ષક કે.ડી.ખાંભલાના માર્ગદર્શન હેઠળ એ.એન.ટી.એફ. વડોદરા ઝોનના પીઆઇ જે.ઝેડ.વસાવા તેમજ પીએસઆઇ. વી.કે.ગરાસીયા અને એચ.એમ.ગઢવી, હે.કો. મહેશભાઈ બાબુલાલ રાજપુત, નવીનભાઈ કડકીયાભાઈ, પો.કો. વૈભવકુમાર ઝીણાભાઈ, એલ.આર. સુનિલ રમેશભાઈની ટીમને મળેલ ખાનગી બાતમીના આધારે અંકલેશ્વર કાપોદરા રોડ તથા અંસાર માર્કેટ નજીક આવેલ નેશનલ હાઈવે નં.૪૮ ઉપર આવેલ પબ્લિક વોકીંગ ફ્લાય ઓવરની આસપાસમાં દરોડાની કાર્યવાહી કરવામાં આવી હતી. આ દરોડા દરમિયાન આરોપીઓના કબજામાંથી ગેરકાયદેસર ગાંજો તથા ચરસનો જથ્થો મળી આવ્યો હતો જેમાં આરોપી તૌશીફ મુસ્તાક શેખ, ઉંમર -૨૧, સરનામું:-રહે. કોઠવા દરગાહ, કીમ, તા.માંગરોળ, જિ.સુરત અને મોહન મુકેશભાઈ વસાવા, ઉંમર 23 કોઠવાહ દરવાજા કિમની ધરપકડ કરવામાં આવી હતી જેમાં 9 ગ્રામ ઉપર ગાંજો, 195 ગ્રામ ચરસ અને અન્ય સાથે અંદાજીત 1 લાખ ઉપરનો મુદ્દમાલ કબજે કરેલ છે. જ્યારે ત્રીજો આરોપી સુવેજ ગુલામ શેખ, રહે. ભાટકોલ, માંગરોળની શોધખોળ શરૂ કરાઇ છે. આ તમામ વિરુદ્ધ NDPS એક્ટ હેઠળ ગુનો નોંધી આગળની કાર્યવાહી હાથ ધરવામાં આવી છે.
