*ઓપરેશન અભ્યાસ અંતર્ગત મોકડ્રીલ અને બ્લેકઆઉટ અંગે કલેક્ટર મિહિર પટેલની જિલ્લાવાસીઓને અપીલ*
પાલનપુર, એબીએનએસ: બનાસકાંઠા જિલ્લા કલેકટર મિહિર પટેલએ જિલ્લાવાસીઓને અપીલ કરતા જણાવ્યું કે, ભારત સરકાર અને રાજ્ય સરકારની સૂચના અનુસાર આજે તારીખ ૭ મે ૨૦૨૫ના રોજ સાંજે ૪ કલાકે સમગ્ર બનાસકાંઠા જિલ્લામાં ઓપરેશન અભ્યાસ અંતર્ગત ૩ જેટલા સ્થળોએ પૂર્વ તૈયારીના ભાગરૂપે મોકડ્રીલનું આયોજન કરાશે. આ મોકડ્રીલ આવતીકાલે સાંજે ૪ વાગ્યાથી શરૂ કરાશે.
આ ઉપરાંત પૂર્વ તૈયારીઓના ભાગરૂપે સમગ્ર જિલ્લામાં આજે તારીખ ૭ મે ૨૦૨૫ના રોજ સાંજે ૭.૪૫ થી ૮.૧૫ એટલે કે ૩૦ મિનિટ સુધી બ્લેક આઉટ માટે જિલ્લાવાસીઓને વહીવટી તંત્ર તરફથી અપીલ કરાઈ છે. આ સમય દરમિયાન કોઈપણ પ્રકારની લાઇટ ચાલુ ના રાખવામાં આવે તે માટે અનુરોધ કરાયો છે. આ સમયગાળામાં સરકારી ઇમારતો, રોડ અને બ્રિજ પરની લાઈટો બંધ રાખવામાં આવશે. બ્લેક આઉટ અંતર્ગત તથા સરકારના સમર્થન માટે બનાસકાંઠા જિલ્લાના નાગરિકો, વિવિધ સંસ્થાઓ સામે ચાલીને પોતાના ઘર, ધંધા- રોજગાર સહિતના સ્થળોએ લાઇટ બંધ રાખીને વહીવટી તંત્રને સહયોગ આપવા જિલ્લા કલેક્ટર દ્વારા અપીલ કરાઈ છે.
***
