*📌ACBની ટીમ દ્વારા સુરતનાં PSI લાંચ લેતા રંગેહાથ ઝડપાયા*

*📌ACBની ટીમ દ્વારા સુરતનાં PSI લાંચ લેતા રંગેહાથ ઝડપાયા*

સુરત: સુરતમાં ફરી એકવાર ACBની સફળ ટ્રેપની ઘટના સામે આવી છે. વાત જાણે એમ છે કે, સુરતમાં એક PSI રૂ.૫૦,૦૦૦ની લાંચ લેતા ઝડપાયા છે. પ્રાથમિક વિગતો મુજબ PSIએ છેતરપીંડીના કેસની તપાસમાં ફરિયાદી પાસે ૫૦,૦૦૦ની લાંચ માંગી હતી. જોકે ફરિયાદી લાંચ આપવા માંગતા ન હોઇ તેમણે ACBનો સંપર્ક કર્યો હતો. જેથી ACBની ટીમે સુરતનાં આ લાંચિયા PSIને લાંચની રકમ સ્વીકારતા રંગેહાથ ઝડપી લીધા હતા.

સુરતનાં માંગરોળનાં પાલોદ આઉટ પોસ્ટ PSI તરીકે ફરજ બજાવતા જે. કે. મૂળિયાની દિવાળી બગડી છે. વિગતો મુજબ છેતરપીંડીના એક કેસની તપાસમાં PSI જે. કે. મૂળિયાએ ફરિયાદીને હેરાન પરેશાન ન કરવા રૂ.૫૦,૦૦૦ની લાંચ માંગી હતી. આ તરફ ફરિયાદી એક જાગૃત નાગરિક તરીકે લાંચ આપવા માંગતા ન હોઇ તેમણે ACBને સમગ્ર મામલે જાણ કરી હતી. જે બાદમાં ACBની ટીમે PSI જે. કે. મૂળિયાને રૂ.૫૦,૦૦૦ની લાંચ લેતા ઝડપી પાડ્યા છે. આ મામલે વધુ તપાસ હાથ ધરી છે.