*1 સપ્ટેમ્બરે અમદાવાદ ખાતે 135મી ઓફશોર સુરક્ષા સંકલન સમિતિની બેઠક યોજાશે.*
જીએનએ અમદાવાદ: ઓફશોર સિક્યોરિટી કોઓર્ડિનેશન કમિટી (OSCC) ની 135મી બેઠક 01 સપ્ટેમ્બર 2023 ના રોજ અમદાવાદ ખાતે ડીજી રાકેશ પાલ, પીટીએમ, ટીએમ, ડાયરેક્ટર જનરલ ઈન્ડિયન કોસ્ટ ગાર્ડની અધ્યક્ષતામાં યોજાવાની છે, આ બેઠકમાં ભારતના ઓફશોર સ્થાપનોની સુરક્ષા અને તૈયારી અને અસરકારકતાની સમીક્ષા કરવામાં આવશે. આ બેઠકમાં ભારતીય કોસ્ટ ગાર્ડ, ભારતીય નૌકાદળ / મુખ્ય મથક ODAG, IAF, ONGC, DGH, IB, DG શિપિંગ, MHA, MEA અને DRDO જેવા વિવિધ સંગઠનોના હિસ્સેદારો/પ્રતિનિધિઓ હાજરી આપશે. અન્વેષણ અને વિકાસ પ્રવૃત્તિઓ માટે EEZ ખોલવા, E&P ક્ષેત્રો માટે એન્ટી-ડ્રોન સોલ્યુશન્સ સહિતના મહત્વના મુદ્દાઓ પર બેઠક દરમિયાન ચર્ચા થવાની સંભાવના છે.
OSCC ની રચના 1978માં ઑફશોર સુરક્ષા વ્યવસ્થાઓની સરળ અને અસરકારક કામગીરી સુનિશ્ચિત કરવા માટે કરવામાં આવી હતી. OSCC એ ભારતમાં ઑફશોર સુરક્ષાની સમીક્ષા અને મૂલ્યાંકન કરવા માટેની સર્વોચ્ચ સંસ્થા છે. આ સમિતિમાં ભારતીય કોસ્ટ ગાર્ડ, ભારતીય નૌકાદળ, ભારતીય વાયુસેના, IB, MEA, પોલીસ અને ONGC સહિત અસ્કયામતોની સલામતી અને સુરક્ષા સંબંધિત મુદ્દાઓની તપાસ કરવા માટે બનાવવામાં આવેલા સભ્યોનો સમાવેશ થાય છે જે સાથે મળી વિવિધ પાસાઓ પર બેઠક દરમ્યાન ચર્ચા વિચારણા કરશે.
