ભરૂચ થી વડોદરા તરફ જતાં ને.હા.નં.૪૮ ઉપરથી શીતલ હોટલ પાસે ટાટા ટ્રકમાં લાકડાના પ્લાયનુ બોક્ષ બનાવી સંતાડી લઈ જવાતો ભારતીય બનાવટનાં વિદેશી દારૂનો કિં. રૂ.૫૭,૫૦,૪૦૦/-નો મોટો જથ્થો ઝડપી પાડી પ્રોહિબિશનનો ગણનાપાત્ર કેસ શોધી કાઢતી ભરૂચ એલ.સી.બી.
✍️ મનિષ કંસારા
ભરૂચ: ઇન્ચાર્જ પોલીસ મહાનિરીક્ષક એમ. એસ. ભરાડા વડોદરા વિભાગ વડોદરા તથા ભરૂચ જિલ્લાનાં પોલીસ અધિક્ષક ડો. લીનાબેન પાટીલ નાઓએ જિલ્લામાં ગે.કા. રીતે ચાલતી દારૂ/જુગાર પ્રવૃત્તિ નેસ્ત નાબુદ કરવા તથા જિલ્લામાં કાયદો અને વ્યવસ્થા જળવાઇ રહે તે સારૂ પરીણામ લક્ષી કામગીરી કરવા સુચનાઓ આપેલ.
જે અનુસંધાને ભરૂચ એલ.સી.બી. ના પોલીસ અધિકારીઓ તથા કર્મચારીઓ દ્વારા સઘન પ્રયત્નો હાથ ધરવામાં આવેલ છે અને જિલ્લામાં ગેરકાયદેસર રીતે દારૂ/જુગાર ની પ્રવૃત્તિ કરતા બુટલેગરો ઉપર સતત વોચ રાખવામાં આવેલ છે દરમ્યાન તા.૨૩/૦૮/૨૦૨૨ ના રોજ ભરૂચ એલ.સી.બી. પોલીસ ઇન્સ્પેક્ટર ઉત્સવ બારોટ નાઓને હ્યુમન ઇન્ટેલીજન્સથી બાતમી હકીકત મળેલ કે “ટાટા કંપનીની ટ્રક જેની બોડી લાલ કલરની જેનો રજી.નંબર MH-12-LT-7443 માં ભારતીય બનાવટનો વિદેશી દારૂનો જથ્થો ભરી સુરત તરફથી વડોદરા તરફ જવાની છે”, જે મળેલ બાતમી હકીકત આધારે પોલીસ ઇન્સ્પેક્ટર ઉત્સવ બારોટ નાઓ નાં માર્ગદર્શન હેઠળ તાત્કાલિક ભરૂચ એલ.સી.બી. ટીમને જરૂરી કાર્યવાહી કરવા સુચના આપેલ. તે મુજબ ભરૂચ એલ.સી.બી. એક ટીમ ભરૂચ થી વડોદરા તરફ જતા ને.હા.નં ૪૮ ઉપરથી શીતલ હોટલ પાસે આયોજન મુજબ વોચ તપાસમાં રહી બાતમી હકીકત વાળી ટ્રક આવતા ટ્રાફિક કરી રોકી લઈ જે ટ્રકમાં લાકડાનાં પ્લાયવુડ નું બોક્ષ બનાવેલ હોય જે ખોલી ચેક કરતા ખાખી પુઠ્ઠાના બોક્ષ નંગ-૧૧૯૮ માં ભારતીય બનાવટનાં વિદેશી દારૂ નંગ બોટલ નંગ-૫૭૫૦૪ કિં.રૂ.૫૭,૫૦,૪૦૦/-નો પ્રોહિબિટડ મુદ્દામાલ નાં જથ્થા સાથે બે આરોપીને ઝડપી પાડી તથા અન્ય બે આરોપીઓને વોન્ટેડ જાહેર કરી પ્રોહિ એક્ટ ની સંલગ્ન કલમો મુજબ કાયદેસર કાર્યવાહી કરી નબીપુર પો.સ્ટે.માં ગુનો રજિસ્ટ્રેશન કરવામાં આવેલ છે.
આગામી દિવસોમાં પણ ભરૂચ લોકલ ક્રાઇમ બ્રાન્ચ દ્વારા દારૂ/જુગાર અંગેની ગેરકાયદેસરની પ્રવૃત્તિ ઉપર કડક કાર્યવાહી કરવામા આવનાર છે.
પકડાયેલ આરોપી: (૧) અનીશખાન s/o મજરખાન જાતે ખાન ઉં.વ.૩૮ રહે.નૂરાની નગર ધારરોડ ગીતાનગર ઇન્દોર M.P ( ૨ ) ખિજરખાં S/O સાદીકખાં જાતે ખાન ઉ.વ ૧૯ રહે.બાલસમદ તા કસરાવદ થાના કસરાવદ જિ.ખરગોન M.P
વોન્ટેડ આરોપી: (૩) આરીફખાન રહેમાનખાન રહે.તકીયા મહોલ્લા બાલસમદ તા.કસરાવદ થાના કસરાવદ જિ.ખરગોન M.P. (૪) મહેશભાઈ S/O ભુરાલાલ તન્ના ઉર્ફે મહેશ ઠક્કર રહે.વડોદરા
કબજે કરવામાં આવેલ મુદ્દામાલ: (૧) ભારતીય બનાવટનાં વિદેશી દારૂની નાની બોટલો નંગ-૫૭૫૦૪ જેની કિં.રૂ. ૫૭,૫૦,૪૦૦/- (૨) ટાટા ટ્રક MH-12-LT-7443 કિં.રૂ. ૧૦,૦૦,૦૦૦/- (૩) મોબાઇલ નંગ-૦૨ કિં.રૂ.૧૦૦૦/- (૪) રોકડા રૂ.૩૧૦/-
કામગીરી કરનાર ટીમ: પો.સ.ઇ. એન. જી. પાંચાણી, પો.સ.ઇ. જે. બી. જાદવ, પો.સ.ઇ. જે. એન. ભરવાડ તથા હે.કો. પરેશભાઈ, હે.કો. જયરાજભાઈ, હે.કો. જોગેન્દ્રદાન તથા પો.કો. કિશોરસિહ, પો.કો. મેહુલભાઈ, પો.કો. કુંદનભાઈ, પો.કો. દિપકભાઈ એલ.સી.બી. ભરૂચ નાઓ દ્વારા ટીમ વર્ક થી કરવામાં આવેલ છે.
