નાણામંત્રી ર્નિમલા સીતારમણે નાણાકીય વર્ષ ૨૦૨૨-૨૩માં સામાન્ય લોકો માટે ઈ-પાસપોર્ટ આપવાની જાહેરાત કરી

વિદેશ મંત્રી એસ. જયશંકરે સંસદમાં સાંસદોને ઈ-પાસપોર્ટ વિશેની તમામ માહિતી આપી અને કહ્યું કે આ માટે બહુ-સ્તરીય સુરક્ષા વ્યવસ્થા કરવામાં આવી છે જેથી કરીને કોઈ પણ સંજાેગોમાં ડેટા ચોરી કે હેક ન થઈ શકે.તેમણે કહ્યું કે ઈ-પાસપોર્ટ બહુ-સ્તરીય સુરક્ષા સુનિશ્ચિત કરશે, કારણ કે ડેટા કાગળ પર અને નિયમિત પાસપોર્ટની જેમ વેરિફાઈડ ચિપ્સ બંને પર હશે. આ સાથે, તેને ડિજિટલ સિગ્નેચરની ઓળખના હેતુ માટે અન્ય દેશોમાં મોકલવામાં આવશે. વર્ષ ૨૦૨૨નું બજેટ રજૂ કરતી વખતે નાણામંત્રી ર્નિમલા સીતારમણે નાણાકીય વર્ષ ૨૦૨૨-૨૩માં સામાન્ય લોકો માટે ઈ-પાસપોર્ટ આપવાની જાહેરાત કરી હતી. સરકાર ભારતીય પાસપોર્ટમાં રેડિયો ફ્રીક્વન્સી આઈડેન્ટિફિકેશન ચિપ લગાવવાની તૈયારી કરી રહી છે. તેનાથી એરપોર્ટ પર ઈમિગ્રેશનમાં લાગતો સમય બચશે. ઉપરાંત, તેની નકલ કરવી સરળ રહેશે નહીં.ભારતમાં પ્રથમ ઈ-પાસપોર્ટ વર્ષ ૨૦૦૮માં પૂર્વ રાષ્ટ્રપતિ પ્રતિભા પાટીલ માટે જારી કરવામાં આવ્યો હતો. અત્યાર સુધીમાં, ભારત સરકારે ૨૦,૦૦૦ થી વધુ ઈ-પાસપોર્ટ જારી કર્યા છે. સરકાર હવે તમામ નાગરિકો માટે ઈ-પાસપોર્ટ જારી કરવાની યોજના પર કામ કરી રહી છે. તે હવે જારી કરવામાં આવતા ભૌતિક પાસપોર્ટ કરતાં વધુ સુરક્ષિત હશે.પાસપોર્ટ ધારકની વ્યક્તિગત માહિતી એક ચિપમાં ડિજિટલ રીતે સંગ્રહિત કરવામાં આવશે અને પાસપોર્ટની પુસ્તિકામાં એમ્બેડ કરવામાં આવશે. તે કોન્ટેક્ટલેસ સ્માર્ટ કાર્ડ ટેક્નોલોજીનો ઉપયોગ કરશે અને રેડિયો ફ્રીક્વન્સી આઇડેન્ટિફિકેશન ચિપ પાસપોર્ટના આગળ કે પાછળના કવરમાં એમ્બેડ કરવામાં આવશે. આમાં ઉપયોગમાં લેવાતી ચિપ યુએન (યુનાઈટેડ નેશન)ના ઈન્ટરનેશનલ સિવિલ એવિએશન ઓર્ગેનાઈઝેશનની માર્ગદર્શિકાના આધારે માહિતી ફીડ કરશે.જાે કોઈ પાસપોર્ટની ચિપ સાથે ચેડા કરવાનો પ્રયાસ કરશે તો સિસ્ટમ તેને આપમેળે શોધી લેશે. આનાથી ડુપ્લિકેટ અને નકલી પાસપોર્ટ અટકાવવામાં આવશે. ઈ-પાસપોર્ટ દ્વારા વૈશ્વિક સ્તરે ઈમિગ્રેશન પ્રક્રિયાને સરળ બનાવવામાં આવશે.