ડભોઇ વઢવાના આઇ.ટી.આઈ.નજીક થી બે મોટરસાઇકલ ઉપર લઈ જતાં દારૂના જથ્થા સાથે બે ની ધરપકડ કરવામાં આવી

ડભોઇ પોલીસ ને બાતમી મળી હતી કે બે મોટરસાઇકલ ઉપર વિલાયતી દારૂ ની હેરાફેરી કરવા સારું હીરાભાગોળ બહાર આવેલ વઢવાના રોડ ઉપર ના આઈ.ટી.આઈ.નજીક થી બે લોકો પસાર થવાના છે. જે આધારે સ્થળ ઉપર વોચ રાખી બાતમી આધાર ની મોટર સાઈકલો આવતા બંને ઈસમ ને ઝડપી પાડી રૂ.1,03,080/- નો વિલાયતી દારૂ તેમજ બંને ઈસમ ની ધર પકડ કરી કાનૂની કાર્યવાહી હાથ ધરી છે. ડભોઇ પોલીસ સ્ટેશનની હદ માં ઇન્ચાર્જ પી.આઈ.એ.જી.પરમાર ને પાકી બાતમી મળી હતી કે એક કાળા કલર ની સિલ્વર પટ્ટાવાડી હોન્ડા કંપની ની બાઇક નંબર જી.જે.06.ડી.એસ.1788 ની સીટ નીચે દારૂ ની બોટલો સંતાળી તેમજ અન્ય એક ઈસમ યમાહા મોટરસાઇકલ નંબર જી.જે.34.એફ.0609 ઉપર દારૂનો જથ્થો લઈ બંને મોટરસાઈકલો વડોદરા તરફ જવાની હોય જે આધારે કરનેટ ડભોઇ રોડ ઉપર આઈ.ટી.આઈ.ત્રણ રસ્તા ઉપર વોચ રાખી બંને બાતમી આધાર ની મોટર સાઈકલો આવતા તેને કોર્ડન કરી બાઇક સવાર મહેશભાઈ દિનેશભાઈ રાઠવા રહે લૂણી ઉછવાસ ફાડિયું તા.જી. છોટાઉદેપુર તેમજ ગજાનંદ ધામેશભાઈ તડવી રહે ગામડી કેનાલ વાડી વસાહત, સંખેડા, નાઓ ની અટકાયત કરી બંને મોટરસાઇકલ કબજે કરી રૂ.25080 નો વિલાયતી દારૂ રૂ.70000ની મોટરસાઇકલ, બે મોબાઈલ રૂ.8000 ના બધા મળી રૂ.1,03,080નો મુદામાલ કબજે કરી કાનૂની કાર્યવાહી હાથ ધરી છે.