*📌બોટાદ જિલ્લાનાં કાનીયાડ ગામે કૌટુંબિક ભાઈની વાડીમાંથી યુવાનનો મૃતદેહ મળ્યો*

*📌બોટાદ જિલ્લાનાં કાનીયાડ ગામે કૌટુંબિક ભાઈની વાડીમાંથી યુવાનનો મૃતદેહ મળ્યો*

🔸Dy.SP, LCB, ડૉગ સ્ક્વોડ સહિતનો પોલીસ કાફલો ઘટના સ્થળે

પાળીયાદ પોલીસ મથક વિસ્તારનાં કાનીયાડ ગામનાં ભાવાભાઈ જેરામભાઈ ગોરડાનો મૃતદેહ તેમના કૌટુંબિક ભાઈની વાડીમાંથી હત્યા કરાયેલી હાલતમાં મળતા ચકચાર મચી જવા પામી છે. જ્યારે ઘટનાની જાણ થતાં ડીવાયએસપી, એલસીબી, એસઓજી, ડૉગ સ્કવોડ સહિતનો પોલીસ કાફલો ઘટના સ્થળે પહોંચી તપાસ હાથ ધરી હતી.

મળતી વિગતો મુજબ બોટાદ જિલ્લાનાં કાનીયાડ ગામે રહેતા ભાવાભાઈ જેરામભાઈ ગોરડા જેનો હત્યા કરાયેલ હાલતમાં મૃતદેહ તેમના કૌટુંબિકભાઈની વાડીમાંથી મળી આવતા તેમના પરીવાર દ્વારા પોલીસને જાણ કરવામાં આવતાં બોટાદ ડીવાયએસપી મહર્ષિ રાવલ, એલસીબી, એસઓજી, ડૉગ સ્ક્વોડ સહિત પોલીસ કાફલો ઘટના સ્થળે પહોંચ્યો હતો.

ભાવાભાઈ જેરામભાઈ ગોરડા, ઉ.વ. ૩૯ જેઓ કાનીયાડ ગામે રહે છે. જેઓને સંતાનમાં બે દિકરી અને બે દિકરા છે. જેઓ ગઈકાલ સાંજનાં સમયે બહાર ગયા હતા અને ત્યારબાદ ઘરે પરત ન ફરતા તેઓનાં પરીવારજનોએ શોધખોળ શરૂ કરી હતી. આજે તેમના કૌટુંબિકભાઈની વાડીએથી તીક્ષ્ણ હથિયાર વડે હત્યા કરાયેલી હાલતમાં લાશ મળતા ચકચાર મચી જવા પામી છે.

કાનીયાડ ગામે સીમ વિસ્તારમાં ભાવાભાઈ ગોરડાનો તીક્ષ્ણ હથિયારના ઘા ઝીંકી હત્યા કરાયેલી હાલતમાં તેમના કૌટુંબિકભાઈની વાડીમાંથી મૃતદેહ મળી આવતા પોલીસ ઘટના સ્થળે પહોંચી ભાવાભાઈ નાં મૃતદેહને પીએમ માટે હોસ્પિટલ ખસેડેલ છે. જ્યારે હત્યા કોણે કરી છે તેમજ હત્યાનું કારણ શું છે તે હાલ અકબંધ છે, પરંતુ હત્યા મામલે પોલીસે તપાસ હાથ ધરી છે. તેમજ આરોપીને પકડવા અને હત્યાનું સાચું કારણ માટે પોલીસે અલગ-અલગ ટીમો બનાવી આરોપીને પકડવા ચક્રો ગતિમાન કર્યા છે. તેમ બોટાદ ડીવાયએસપી મહર્ષિ રાવલે જણાવ્યું હતું.